निलो मसि 
कपिलवस्तुको कृष्णनगर नगरपालिकाको आयोजनामा प्रतिनिधि सभा सदस्य सांसद पुनम अग्रवालसँग छलफल तथा अन्तरक्रिया कार्यक्रम सम्पन्न भएको छ ।
कार्यक्रममा नगरप्रमुख रजत प्रताप शाहले कृष्णनगर नगरपालिकामा व्यवस्थित अस्पताल तथा बसपार्क निर्माणका लागि पहल गरिदिन सांसद अग्रवालसमक्ष आग्रह गर्नुभएको छ ।
नगरप्रमुख शाहका अनुसार नगरपालिकाका सिँचाइ, स्वास्थ्य, कृषि, मलखाद आपूर्ति, भन्सार समस्या, उद्योग सञ्चालनमा देखिएका चुनौती, बालबिटौरी लगायतका विभिन्न विषयमा सांसद अग्रवाललाई जानकारी गराइएको थियो ।
प्रतिनिधि सभा सदस्य सांसद पुनम अग्रवालले राष्ट्रिय स्वतन्त्र पार्टीले कपिलवस्तु क्षेत्र नं. ३ को जिम्मेवारी दिई पठाएको बताउँदै पार्टीको निर्देशनअनुसार जनताको हितमा काम गर्ने प्रतिबद्धता व्यक्त गर्नुभयो ।
उहाँले कपिलवस्तुको समग्र विकासका लागि स्थानीय तहदेखि संघीय संसदसम्म आवाज उठाउने धारणा राख्दै जनताका समस्या समाधानका लागि निरन्तर पहल गर्ने बताउनुभयो ।
कार्यक्रममा कृष्णनगर नगरपालिकाका जनप्रतिनिधि, उद्योगी, राजनीतिक दलका प्रतिनिधि तथा युवा समाजसेवीहरूको सहभागिता रहेको थियो ।
अन्तरक्रिया कार्यक्रममा सहभागीहरूले कपिलवस्तुको विकासका लागि सडकदेखि सदनसम्म प्रभावकारी रूपमा आवाज उठाइदिन सांसद अग्रवालसँग माग राखेका थिए ।
कार्यक्रममा विकास निर्माण, सेवा प्रवाह र स्थानीय समस्याको समाधानमा समन्वय आवश्यक रहेकोमा जोड दिइएको थियो । साभार : न्युज सेन्टर नेपाल
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया