निलो मसि 
घनश्याम भर
(विजयनगर) कपिलवस्तु, १४ बैशाख ।
कपिलवस्तुकाे विजयनगर गाउँपालिका-५ डालपुरमा अस्थित शिव माध्यमिक विद्यालयमा ४ कोठे भवन शिलान्यास, भर्चुअल शिक्षण सेवा, ई-लर्निङ पुस्तकालय तथा विज्ञान प्रयोगशालाकाे उद्घाटन कार्यक्रम सम्पन्न भएको छ ।
विद्यालयका प्रधानाध्यापक बालजी प्रसाद यादवका अनुसार ६२ लाख रुपैयाँको लागतमा नयाँ ४ कोठे भवन निर्माण हुन लागेको हो भने १० लाख रुपैयाँको लागतमा विज्ञान प्रयोगशाला सञ्चालनमा ल्याइएको छ ।
कार्यक्रमलाई सम्बाेधन गर्दै गाउँपालिका अध्यक्ष गोपाल बहादुर थापाले शिक्षा क्षेत्र सुविधा सम्पन्न र प्रविधिमैत्री बन्दै गएको उल्लेख गर्दै “विद्यालय मेरो भविष्य हो” भन्ने सोँचका साथ सबै पक्ष लाग्नुपर्ने बताए । उनले विकासका लागि दीर्घकालीन योजना र सोँच आवश्यक रहेको भन्दै गाउँपालिकाले विद्यालयलाई टिनको छानामुक्त अभियान सञ्चालन गरिरहेको जानकारी दिए । विद्यालयका आवश्यकताहरू क्रमशः पूरा गर्दै अगाडी बढ्ने अध्यक्ष थापाले प्रतिबद्धता समेत व्यक्त गरे ।
यस्तै प्रमुख प्रशासकीय अधिकृत हिमलाल विश्वकर्माले शैक्षिक गुणस्तर सुधारका लागि शिक्षक, अभिभावक र समुदायबीच त्रिपक्षीय जागरुकता आवश्यक रहेको बताए । उनले विद्यालय व्यवस्थापन समितिहरूको सक्रियता अझ बढाउनुपर्नेमा जोड दिँदै अभिभावकले पनि आफ्ना बालबालिकाहरुका पढाईप्रति चाँसाे राख्नु आग्रह गरे ।
यसैगरी विद्यालय व्यवस्थापन समिति अध्यक्ष राजेश कुमार उपाध्यायले विद्यालयको शैक्षिक गुणस्तरीयता अभिवृद्धि तथा प्रभावकारी शिक्षाका लागि आफूहरू निरन्तर लागिपरेको बताए । भाैतिक संरचना निर्माणका साथै विद्यार्थीका सिकाई उपलब्धीमा उत्कृष्ट नतिजा ल्याउन अहाराेत्र खटिएको उनलेे जिकिर गरे ।
कार्यक्रमलाई ५ का वडा अध्यक्ष अनवर मोहम्मद मुसलमान, लाैटनराम द्राेपदीदेवी माविका प्रधानाध्यापक श्याम प्रकाश चाैधरी, त्रिनेत्र माविका व्यवस्थापन समिति मधुनगर-साेनवर्षाका अध्यक्ष विजय कुमार चाैधरी लगायतले सम्बोधन गरेका थिए ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया