निलो मसि 
विजयनगर, १४ बैशाख ।
कपिलवस्तुको विजयनगर गाउँपालिकामा सिविआर कार्यक्रम अन्तर्गत पहुँचयुक्त भौतिक संरचना तथा सञ्चार निर्देशिका २०६९ सम्बन्धी सरोकारवाला निकायसँग अन्तरक्रिया कार्यक्रम सम्पन्न भएको अपाङ्ग उत्थान समाजका कपिलवस्तुका सचिव ढाकाराम अधिकारीले जानकारी दिए ।
अपाङ्ग उत्थान समाज कपिलवस्तुको आयोजनामा, सामाजिक विकास डिभिजन कार्यालय तौलिहवाको सहयोग तथा विजयनगर गाउँपालिकाको समन्वयमा कार्यक्रम आयोजना गरिएको हो । कार्यक्रममा सरकारी कार्यालयका प्रतिनिधि, जनप्रतिनिधि, विभिन्न संघसंस्थाका पदाधिकारी तथा सरोकारवाला निकायका व्यक्तिहरूको सहभागिता थियो ।
कार्यक्रममा गाउँपालिका अध्यक्ष गोपाल बहादुर थापाले अपाङ्गता भएका व्यक्तिहरूलाई सहज पहुँच हुने संरचना निर्माण आजको आवश्यकता भएको बताउँदै स्थानीय तहका सबै सेवा, भवन र सञ्चार प्रणाली सबै नागरिकमैत्री तथा पहुँचयुक्त बनाउने विषयमा मार्गदर्शन भएको बताए । उनले आगामी याेजना, निति तथा कार्यक्रममा पहुँचयुक्त भौतिक संरचना तथा सञ्चार सम्बन्धी याेजना राख्ने प्रतिबद्धता जनाए ।
सार्वजनिक भवन, सडक, शौचालय, सूचना प्रणाली लगायतका संरचनामा पहुँच सुनिश्चित गर्न यस्ता कार्यक्रम प्रभावकारी हुने आयाेजकले जनाएको छ । अपाङ्गता भएका व्यक्तिहरूलाई आत्मनिर्भर र सम्मानजनक जीवनयापनका लागि राज्यका हरेक संरचना पहुँचयुक्त हुनुपर्नेमा जाेड दिएकाे छ ।
कार्यक्रममा सहभागिहरूले स्थानीय तहमा निर्माण हुने भौतिक संरचनामा पहुँच मापदण्ड लागू गर्नुपर्ने, सूचना तथा सञ्चार माध्यमलाई समेत सबैका लागि सहज बनाउनुपर्ने विषयमा सुझाव दिएका थिए ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया