निलो मसि 
घनश्याम भर
(विजयनगर) कपिलवस्तु, १५ बैशाख ।
कपिलवस्तुको विजयनगर गाउँपालिका-४ शंकरपुर-देउपुरामा रहेको जनज्योति माध्यमिक विद्यालयमा २ कोठे नयाँ भवनको शिलान्यास गरिएको छ ।
गाउँपालिकाकाे सहयोगमा ३४ लाख ६६ हजार १ सय २१ रुपैयाँको लागतमा भवन निर्माण हुन लागेको प्रधानाध्यापक पम्फा कुमारी पाण्डेले जानकारी दिइन् ।
भवन निर्माणको ठेक्का प्रेम निर्माण सेवा महाराजगञ्ज नगरपालिका-८ कपिलवस्तुले पाएको बताइएको छ । भवन अभावका कारण पठनपाठनमा देखिएको समस्या नयाँ भवन निर्माणपछि सहज हुने विद्यालय प्रशासनले विश्वास व्यक्त गरेको छ ।
गाउँपालिका अध्यक्ष गोपाल बहादुर थापाले भवनको शिलान्यास गर्दै शिक्षाको गुणस्तर सुधारका लागि भौतिक पूर्वाधार विकास आवश्यक रहेको बताए । उनले विद्यालयको शैक्षिक उन्नयनका लागि गाउँपालिकाले निरन्तर सहयोग गर्ने प्रतिबद्धता व्यक्त गरे ।
यस्तै प्रमुख प्रशासकीय अधिकृत हिमलाल विश्वकर्माले सामुदायिक विद्यालयको विकासमा सबै पक्षको सहकार्य आवश्यक रहेको उल्लेख गर्दै निर्माण कार्य गुणस्तरीय र समयमै सम्पन्न गर्न आग्रह गरे ।
शिलान्यास कार्यक्रममा ४ का वडा अध्यक्ष तिलकराम कँडेल, विद्यालय व्यवस्थापन समितिका अध्यक्ष खिम बहादुर खत्री, समाजसेवी सरिता पाण्डे लगायतको उपस्थिति थियो ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया