निलो मसि 
काठमाडौँ : राष्ट्रपति रामचन्द्र पौडेलले आदिवासी, जनजाति समुदायका आदिकविहरूको शालिक राख्न चाहेको बताएका छन्।
मंगलवार शीतलनिवासमा आदिवासी जनजाति आयोगको आर्थिक वर्ष २०८०।०८१ को वार्षिक प्रतिवेदन बुझ्दै उनले आदिवासी जनजाति समुदायका आदिकविकहरूको नाम र शालिक उपलब्ध गराउन आग्रह पनि गरेका छन्।
उनले आयोगले मगर, राई लगायत, आदिवासी जनजाति समुदायभित्र रहेका विभिन्न जातिका आदिकविहरूको नाम र शालिक पाएको खण्डमा तनहुँको चुँदीरम्घामा निर्माण हुने भानु साहित्य उद्यानमा राख्ने योजना रहेको बताए। उनले ४ सय बिघा जग्गा सरकारसँग लिएर आदिकवि भानुभक्त आचार्यको जन्मस्थान चुँदीरम्घामा भानु साहित्य उद्यान बनाउन लागेको बताए। त्यहाँ बनाइने मूर्ति वाटिकामा विभिन्न जातजातिका आदिकविको मूर्ति रहने बताए।
राष्ट्रपति पौडेलले भने, ‘तनहुँको चुँदीरम्घामा भानु साहित्य उद्यान ४ सय रोपनी जग्गा लिएर नेपाल सरकारबाट त्यहाँ एउटा भानु साहित्य उद्यान बनाउँदै छु। त्यहाँ मूर्तिवाटिका हुन्छ। सबै भाषाका मूर्धन्य स्रष्टाहरू त्यहाँ रहन्छन्। भानुभक्तसहित सबै भाषाका आदिकविहरूको मूर्ति रहन्छ। मगर, राईलगायत भाषाका आदिकविहरूको नाम र मूर्ति चाहियो।’
राष्ट्रपति पौडेलले आदिवासी, जनजाति समुदायको भाषा, लिपी, संस्कृति, इतिहास, परम्परा, साहित्य, कलाको संरक्षण, संवर्धन एवं विकास तथा सो समुदायको सशक्तिकरण गरी सर्वाङ्गीण हितलाई सुनिश्चित गर्ने सन्दर्भमा नेपालको संविधान एवं कानूनले आयोगलाई महत्त्वपूर्ण जिम्मेवारी दिएको बताए।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया