निलो मसि 
घनश्याम भर
(विजयनगर) कपिलवस्तु, १७ असार ।
कपिलवस्तुको विजयनगर गाउँपालिकाले बहुक्षेत्रीय पोषण कार्यक्रम अन्तर्गत गर्भवती महिलाहरूलाई पोषिलो कोसेली वितरण गरेको छ । पोषणमैत्री स्थानीय शासन प्रवर्द्धन कार्यक्रममार्फत गाउँपालिकाका वडा नम्बर ३, ४, ५ र ६ का नियमित रूपमा स्वास्थ्य चौकीमा गर्भ जाँच गराउने २ सय ४२ जना गर्भवती महिलालाई पोषण सामग्री वितरण गरिएको गाउँपालिकाले जनाएको छ ।
गाउँपालिकाले गर्भवती महिलालाई आधा किलो घ्यू, आधा किलो मह, एक क्यारेट अण्डा, एक प्याकेट आयोडिनयुक्त नुन र एक थान साबुन प्रदान गरिएको बहुक्षेत्रीय पाेषण कार्यक्रमकी सहजकर्ता कुसुम पाठकले जानकारी दिइन् । वितरण गरिएका लाभग्राहीमध्ये वडा नम्बर ३ का ८२ जना, वडा नम्बर ४ का ५२ जना, वडा नम्बर ५ का ६० जना र वडा नम्बर ६ का ४८ जना गर्भवती महिला रहेका छन् ।
प्रमुख प्रशासकीय अधिकृत हिमलाल विश्वकर्माले गर्भवती महिलाको स्वास्थ्य र पोषणमा लगानीले स्वस्थ समाज निर्माणको आधार भएको बताए । उनले नियमित स्वास्थ्य परीक्षणसँगै सन्तुलित र पोषणयुक्त आहार सेवन गर्न आग्रह गर्दै यस्ता कार्यक्रमले आमा र शिशुको स्वास्थ्य सुधारमा महत्वपूर्ण योगदान पुग्ने विश्वास व्यक्त गरे ।
यस्तै पोषण सम्बन्धी सचेतना वृद्धि र कुपोषण न्यूनीकरणका लागि यस्ता कार्यक्रमलाई आगामी दिनमा पनि निरन्तरता दिइने वडा अध्यक्षहरुकाे भनाई छ । यस्ता कार्यक्रमले गर्भवती महिलाको पोषण अवस्था सुदृढ बनाउने विश्वास व्यक्त गरेका छन् ।
गर्भावस्थामा आवश्यक पोषणको सुनिश्चितता गर्दै आमा तथा शिशुको स्वास्थ्य अवस्था सुधार गर्ने उद्देश्यले उक्त कार्यक्रम सञ्चालन गरिएको गाउँपालिकाले जनाएको छ । स्थानीय तहमा पोषणमैत्री शासन प्रवर्द्धन गर्दै कुपोषण न्यूनीकरणमा टेवा पुर्याउने लक्ष्यका साथ पोषिलो कोसेली वितरण गरिएको गाउँपालिकाले जनाएको छ ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि धडकन“ अडियो गीत सार्वजनिक भएको छ । एस एम मिडिया नेपालद्वारा आइतबार सार्वजनिक गरिएको हो । जसको लिरिक्स एमप र राजेन्द्र चौधरीले गरेका छन् भने एरेन्जर गणेश चौधरीले रहेका छन् । यस्तै शब्द संगित सरगम […]
प्रतिक्रिया