निलो मसि 
कृष्णनगर, ७ भदौ ।
कपिलवस्तुमा प्रहरीले लागूऔषधसहित ६ जनालाई पक्राउ गरेको छ । जिल्ला प्रहरी कार्यालय कपिलवस्तुका अनुसार छुट्टाछुट्टै घटनामा उनीहरूलाई पक्राउ गरिएको हो ।
कृष्णनगरबाट खटिएको प्रहरी टोलीले कृष्णनगर नगरपालिका-२ स्थित पुरानो बसपार्कमा चेकजाँच गर्ने क्रममा भारततर्फ जाँदै गरेका पाँच जनालाई लागूऔषधसहित पक्राउ गरेको हो ।
पक्राउ पर्नेमा दाङ राजपुर गाउँपालिका-३ का ३४ वर्षीय रतिमा रोका, कपिलवस्तु विजयनगर गाउँपालिका-४ ज्योतिनगरका ४५ वर्षीय फनिसरा सारु, ५६ वर्षीय नन्सरी घर्ती मगर, पर्सा ठोरी गाउँपालिका-२ का ४८ वर्षीय चुमा लामिछाने र दाङ राजपुर गाउँपालिका-३ का ४३ वर्षीय विमला पुन रहेका छन् ।
प्रहरीका अनुसार उनीहरूको साथबाट चरेसजस्तो देखिने कालो गिलो पदार्थ ५ किलो २ सय २५ ग्राम, अफिमजस्तो देखिने गिलो पदार्थ १० किलो र पाँच थान मोबाइल बरामद भएको छ । पक्राउ परेकाहरूलाई नियन्त्रणमा लिई लागूऔषध कसुरमा म्याद थप गरी अनुसन्धान भइरहेको प्रहरीले जनाएको छ ।
त्यस्तै, साउन ६ गते शिवराज नगरपालिका-५ चन्द्रौटास्थित सुन्दर टोलबाट १८ वर्षीय अनुप नेपालीलाई पनि लागूऔषधसहित पक्राउ गरिएको प्रहरीले जनाएको छ । उनको साथबाट खैरो हिरोइनजस्तो देखिने लागूऔषध ५ सय ८० मिलिग्राम र एक थान मोबाइल बरामद भएको थियो ।
उनलाई समेत जिल्ला अदालत कपिलवस्तुबाट म्याद थप गरी अनुसन्धान भइरहेको प्रहरी नायव उपरीक्षक रिपेन्द्र कुमार सिंहले जनाए ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया