निलो मसि 
घनश्याम भर
(विजयनगर) कपिलवस्तु, १८ असार ।
कपिलवस्तुको विजयनगर गाउँपालिका-६ मा दुई महिने आधारभूत सिलाई-कटाई तालिम समापन तथा सिलाई मेसिन हस्तान्तरण कार्यक्रम सम्पन्न भएको छ । ६ नम्बर वडा कार्यालयको आयोजनामा तथा माता सिद्धकाली मल्टी प्रपोज प्रालिको प्राविधिक सहयोगमा सञ्चालन गरिएको तालिममा १५ जना महिलाले आधारभूत सिलाई-कटाई सम्बन्धी सीप हासिल गरेका छन् ।
तालिम समापनसँगै प्रशिक्षार्थीलाई स्वरोजगारतर्फ प्रेरित गर्ने उद्देश्यले सिलाई मेसिनसमेत हस्तान्तरण गरिएको वडा सचिव उमेश दाहालले जानकारी दिए । गाउँपालिका अध्यक्ष गोपाल बहादुर थापा र वडा नं. ६ का अध्यक्ष प्रेम बहादुर कलवारद्वारा संयुक्त रूपमा प्रशिक्षार्थीलाई सिलाई मेसिन हस्तान्तरण गरिएको उनलेे बताए ।
कार्यक्रममा बोल्दै अध्यक्ष थापाले सीपमूलक तालिमले महिलालाई आत्मनिर्भर बनाउन महत्वपूर्ण भूमिका खेल्ने बताउँदै सिकेको सीपलाई आयआर्जनसँग जोड्न आग्रह गरे । उनले व्यावसायिक रुपमा अगाडी बढेमा पालिकाबाट थप आवश्यक सामग्री सहयोग गर्ने बताए । उनले गाउँपालिकाले रोजगारमुखी तथा सीप विकासका कार्यक्रमलाई आगामी दिनमा पनि निरन्तरता दिने प्रतिबद्धता व्यक्त गरे ।
यस्तै वडा अध्यक्ष प्रेम बहादुर कलवारले तालिम केवल प्रमाण-पत्रमा सीमित नराखी व्यावसायिक रूपमा प्रयोग गर्न आग्रह गर्दै वडा कार्यालयले स्थानीय महिलाको आर्थिक सशक्तीकरणका लागि यस्ता कार्यक्रमलाई प्राथमिकताका साथ सञ्चालन गरिरहेको बताए ।
तालिममा सहभागी प्रशिक्षार्थीहरूले तालिमबाट व्यावहारिक ज्ञान र सीप प्राप्त भएको भन्दै प्राप्त सिलाई मेसिनले स्वरोजगार बन्न थप हौसला मिलेको प्रतिक्रिया दिएका छन् ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि धडकन“ अडियो गीत सार्वजनिक भएको छ । एस एम मिडिया नेपालद्वारा आइतबार सार्वजनिक गरिएको हो । जसको लिरिक्स एमप र राजेन्द्र चौधरीले गरेका छन् भने एरेन्जर गणेश चौधरीले रहेका छन् । यस्तै शब्द संगित सरगम […]
प्रतिक्रिया