निलो मसि 
घनश्याम भर
(विजयनगर) कपिलवस्तु, १६ असार ।
कपिलवस्तुको विजयनगर गाउँपालिका-६ मा जेष्ठ नागरिक तथा अपाङ्गता भएका व्यक्तिलाई सम्मान गरिएको छ । वडा नम्बर ६ कार्यालयको आयोजनामा गाउँपालिका सभाहल खडैचामा आयोजित कार्यक्रममा जेष्ठ नागरिक तथा अपाङ्गता भएका व्यक्तिहरूलाई झुल, टर्चलाइट र छाता प्रदान गर्दै सम्मान गरिएको हो ।
वडा सचिव उमेश दाहालका अनुसार वडाभित्रका ९३ जनालाई सम्मान गरिएको छ । सम्मानित हुनेमध्ये ७७ जना जेष्ठ नागरिक र १६ जना ‘ख’ वर्गका अपाङ्गता भएका व्यक्ति रहेका छन् । ७५ वर्ष माथि उमेर भएका जेष्ठ नागरिकलाई सम्मान गरिएको हाे ।
कार्यक्रमलाई सम्बाेधन गर्दै गाउँपालिका अध्यक्ष गोपाल बहादुर थापाले जेष्ठ नागरिकहरू समाजका मार्गदर्शक र अनुभवका भण्डार भएकाले उनीहरूको सम्मान र संरक्षणलाई गाउँपालिकाले प्राथमिकतामा राखेको बताए । उनले जेष्ठ नागरिकको अनुभवबाट नयाँ पुस्ताले धेरै कुरा सिक्न सक्ने बताउँदै सम्मान गर्नु संस्कृति र पहिचानको सम्मान गरिएको जिकिर गरे ।
यस्तै उपाध्यक्ष लक्ष्मी कुमारी चौधरीले अपाङ्गता भएका व्यक्ति र जेष्ठ नागरिकलाई राज्यका सेवा तथा सुविधामा सहज पहुँच सुनिश्चित गर्न स्थानीय सरकार प्रतिबद्ध रहेको बताइन् । उनले समावेशी समाज निर्माणका लागि सबै वर्ग र समुदायको सम्मान तथा सहभागिता आवश्यक रहेको बताइन् ।
यसैगरी प्रमुख प्रशासकीय अधिकृत हिमलाल विश्वकर्माले लक्षित वर्गको जीवनस्तर सुधारका लागि गाउँपालिकाले विभिन्न कार्यक्रम सञ्चालन गर्दै आएको जानकारी दिए । उनले जेष्ठ नागरिक र अपाङ्गता भएका व्यक्तिका आवश्यकता सम्बोधन गर्ने कार्यक्रमलाई आगामी दिनमा पनि निरन्तरता दिइने बताए ।
६ नम्बरका वडा अध्यक्ष प्रेम बहादुर कलवारले जेष्ठ नागरिक तथा अपाङ्गता भएका व्यक्तिको सम्मान केवल औपचारिकतामा सीमित नभई उनीहरूको सम्मानजनक जीवनयापन सुनिश्चित गर्ने उद्देश्यले कार्यक्रम सञ्चालन गरिएको बताए । उनले वडाले आगामी दिनमा पनि यस्ता सामाजिक तथा कल्याणकारी कार्यक्रमलाई निरन्तरता दिने प्रतिबद्धता जनाए ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि धडकन“ अडियो गीत सार्वजनिक भएको छ । एस एम मिडिया नेपालद्वारा आइतबार सार्वजनिक गरिएको हो । जसको लिरिक्स एमप र राजेन्द्र चौधरीले गरेका छन् भने एरेन्जर गणेश चौधरीले रहेका छन् । यस्तै शब्द संगित सरगम […]
प्रतिक्रिया