निलो मसि 
‘एल क्लासिको’ भिडन्तमा रियाल मड्रिडलाई ३–२ ले हराउँदै बार्सिलोनाले स्पेनिस सुपर कपको उपाधि जितेको छ। बार्सिलोनाको यो उपाधि कीर्तिमानी १६औं उपाधि हो।
बार्सिलोनाको जितमा राफिन्हाले दुई तथा रोबर्ट लेवान्डोस्कीले एक गोल गरे। रियालको लागि भिनिसियस जुनियर र गोन्जालो गार्सियाले एक गोल फर्काएका थिए।
साउदी अरेबियामा भएको खेलमा अग्रता बार्सिलोनाले नै बनायो। खेलको पहिलो हाफ २–२ को बराबरीमा टुंगिएको थियो। रोमाञ्चक खेलमा बार्सिलोनाले दोस्रो हाफमा विजयी गोल गरेको थियो।
बार्सिलोनाले नयाँ वर्षको सुरुमै उपाधि जितेको छ। योसँगै रियाल दबाबमा आएको छ। बार्सिलोना ला लिगामा पनि शीर्ष स्थानमा छ। बार्सिलोनाले चार अंकको अग्रता बनाएको छ।
फर्मिन लोपेजको पासमा राफिन्हाले ३६औं मिनेटमा बार्सिलोनालाई अग्रता दिलाएका थिए। तर, पहिलो हाफको इन्जुरी समयमा थप तीन गोल निस्किदा पहिलो हाफ २–२ को बराबरीमा सम्पन्न भयो।
भिनिसियस जुनियरले थपिएको २ मिनेटमा बराबरी गोल गरे। दुई मिनेटपछि नै लेवान्डोस्कीले फेरी बार्सिलोनालाई २–१ को अग्रता बनाए।
पहिलो हाफको इन्जुरी छैटौं मिनेटमा गार्सियाले रियाललाई २–२ को बराबरीमा ल्याएका हुन्। खेलको ७३औं मिनेटमा डानी ओल्मोको पासमा राफिन्हाले विजयी गोल गरेका हुन्।
खेलको इन्जुरी समयमा फ्राङ्की डि जोङले रातो कार्ड पाउँदा बार्सिलोना १० खेलाडीमा सिमित बनेको थियो। थाहा खबर
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया