निलो मसि 
माधव बेल्वासे
कपिलवस्तु
दशैं नजिकिंदै गर्दा तराईका जिल्लाहरुमा मूर्तिहरु बनाउने चटारो पनि बढ्न थालेको छ । दशैमा राम्रो आम्दानी हुने भएपछि भारतीय कलाकारहरु नेपालमा आएर मुर्ती बनाइरहेका छन । कपिलवस्तु जिल्लाका विभिन्न ठाउमा अहिले मुर्तिलाई सिंगारपटार गर्न भ्याईनभ्याई छ । एक महिना अघि देखी मुर्ती बनाउन सुरु गरेका कालिगढहरु अहिले अन्तिम चरणमा पुगेकाले सजावट र रंगरोगनमा लागेका छन ।
कपिलवस्तु जिल्लाका १० स्थानिय तहमा करिव ५ सय वढी स्थानमा दंशैको अवशरमा दुगौ मुर्तीका झाकी निकालिदै आएको छ ।दुर्गा,भगवती,वाघ, भैसी, राक्षस,गणेश,लक्ष्मी लगाएतका मुर्तीहरु एक महिना अघि नै बुक भइसकेको व्यावसायिहरु वताउछन । नवदुर्गा भगवती, सरस्वती, लक्ष्मी, कुमार र गणेश तथा तिनीहरुका वहानहरु धमाधम निर्माण भइरहेका छन् ।
मुर्ती बनाउने मुर्तीकारहरु देवी देवताका मुर्ती बनाएर मनग्य आम्दानी गरिरहेका छन् ।जिल्लाको सदरमुकाम तौलिहवा, कृष्णनगर, बहादुरगंज, महाराजगंज, पकडी लगायतका बजारका चोक र गल्लिहरुमा विजयदशमी को लागि मुर्ती बनाई चिटिक्क पर्ने गर्दछन । अरु बेला देखा नपर्ने मुर्ती व्यवसायीहरुले दशैको एक सिजनमा मात्र लाखौ आम्दानी गर्ने गरेका छन् ।
एक सिनजमा १५ देखी ४० सेट सम्म मुर्ती बनाउने ब्यवसायीहरुले एक सेट मुर्तीलाई ३० हजार देखी १ लाख सम्ममा बिक्री गर्ने गरेका छन् । माटो, बाँस र परालबाट बनाईने मुर्तीहरुबाट ज्याला मजदुरी लगायत सम्पुर्ण खर्च काटेर ४० प्रतिशत नाफा हुने गरेको मुर्ती व्यवसायी अमित कुमारले बताए ।
मुर्ती बनाउन दुख कष्ट भएपनि आम्दानी राम्रो हुने भएपछि २ महिना नेपाल आएर मुर्ती बनाउने गरेको जनाए । प्रत्येक वर्ष आउने गरेका छौ माग अनुसारको पुर्याउन सकिएको छैन”कुमारले भने । चन्द्र्रौटा वाट मुर्ती खरिद गर्न गएका दिपेन्द्र मौर्यले छिमेकी मुलुक भारतवाट आएर परिश्रम गरी मुर्ती निमार्ण गरेकामा धन्यवाद दिए । आर्कषक डिजाइनका मुर्तीहरु बनाई जिविको पार्जन गरेकोमा प्रोत्साहन गर्नुपर्ने मौर्यले जनाए ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया