निलो मसि 
काठमाडाैं : खुला विश्वविद्यालयको उपकुलपतिमा प्रा. डा.शिलु मानन्धर नियुक्त भएकी छन्। सोमबार बसेको मन्त्रिपरिषद् बैठकले मानन्धरलाई उपकुलपतिमा नियुक्त गर्ने निर्णय गरेको हो।
शिक्षामन्त्रीको संयोजकत्वमा गठित सिफारिस समितिले सिफारिस गरेको तीन जनामध्ये मानन्धरसहित मनप्रसाद वाग्ने र ईन्द्र कार्कीको नाम सिफारिस गरेकाे थियाे।
मन्त्रिपरिषद्ले निर्णय गरेसँगै खुला विश्वविद्यालयले आठ महिनापछि उपकुलपति प्राप्त गरेको छ। खुल्ला विश्वविद्यालयका तत्कालीन उपकुलपति प्रा.डा. लेखनाथ शर्माको चार वर्षे कार्यकाल गत जेठ १८ गते सकिएको थियो।
त्यसपछि मन्त्रालयले असारदेखि विज्ञान संकायका डिन प्रा.डा. इन्द्रबहादुर कार्कीलाई निमित्त उपकुलपतिको जिम्मेवारी दिएको थियाे। उनको डिनको पदावधि पनि माघ २ गते सकिएकाे छ।
नयाँ उपकुलपति नियुक्तिका लागि विश्वविद्यालय अनुदान आयोगका अध्यक्षको संयोजकत्वमा तीन सदस्यीय अध्ययन समिति बनाउने कानूनी व्यवस्था छ।
सोही व्यवस्थाअनुसार तत्कालीन शिक्षामन्त्री कृष्णगोपाल श्रेष्ठको पालामै गठन भएको कार्यदलले उपकुलपतिका लागि सम्भावित ३ जनाको नाम मन्त्रालयमा बुझाएको थियो।
सरकार परिवर्तनसँगै शिक्षामन्त्री पनि परिवर्तन भएपछि ती व्यक्तिको नाम मन्त्रिपरिषद्मा पेस हुन सकेकाे थिएन।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया