शिवराज खोप सुनिश्चितता नगर घोषणा : ५६ हजार बढीलाई कोरोना विरुद्धको खोप

माधव बेल्वासे
चन्द्रौटा,१४ असार
शिवराज नगरपालिका भित्रका ५६ हजार ५ सय ८६ जनालाई कोरोना विरुद्धको खोप लगाइएको छ । कोरोना विरुद्धको खोपको लक्ष्य पुरा गरेकोले खोपको सुनिश्चितता तथा नियमित खोपको दिगोपन सुनिश्चितता नगर घोषणा गरिएको छ ।
मङ्गलवार आयोजित उक्त कार्यक्रममा विश्वमा महामारीको रूपमा कोरोना भाइरस आएको र यसलाई नियन्त्रण खोपले मात्र गर्न सकेको चर्चा गरिएको थियो । नगरमा १२ वर्ष उमेर समूह देखि माथिका नागरिकहरूलाई कोरोनाको पूर्ण खोप प्रदान गरी नागरिकहरूको स्वास्थ्य प्रति गम्भीर रहेको नगर प्रमुख अजय थापाले बताउनुभयो ।

कोरोनाको समयमा एक अर्का सँग नजिक नहुने अवस्थालाई खोपले अहिले सामान्य बनाएको भन्दै खोप अभियानमा लाग्ने स्वास्थ्यकर्मी प्रति आभार व्यक्त गर्नुभयो । यस्ता महामारी फेरी आउन सक्ने भएकोले यसमा सबै जना सजग हुनुपर्ने बताउनुभयो ।
कार्यक्रममा जिल्ला समन्वयन समितिका सभापति बाबुराम आचार्यले खोपलाई निरन्तरता दिनुपर्ने बताउनुभयो । कोरोना खोप सँगै अन्य धेरै खोपहरू रहेकोले पूणे खोप लगाई सुनिश्चित भविष्य बनाउन आग्रह गर्नुभयो । खोप अभियानमा स्वास्थ्यकर्मीको योगदानलाई सम्मान गर्नुपर्ने बताउनुभयो ।
प्रमुख जिल्ला अधिकारी धर्मेन्द्र कुमार मिश्राले बालबालिकाहरूको नियमित खोपलाई निरन्तरता दिनुपर्ने बताउनुभयो । खोप अनिवार्य रहेको भन्दै कपिलवस्तुमा कोरोना,झाडापखाला लगायतका खोप अभियानहरू सञ्चालन भएको बताउनुभयो । स्वास्थ्य सेवा प्रभावकारी बनाउनुपर्नेमा जोड दिँदै स्वास्थ्यकर्मी तथा स्वेयमसेविकाहरुको सहयोगले यो कार्य सम्पन्न भएको बताउनुभयो ।

शिवराज नगरपालिका उपप्रमुख शिवकुमारी थारुले नगरका नागरिकहरूको स्वास्थ्यमा पालिका सचेत रहेको बताउनुभयो । अस्पताल निर्माण देखि स्वास्थ्य चौकीको सेवालाई प्रभावकारी बनाउन आफू दृढ रहेको जिकिर गर्नुभयो ।
नगरमा खोपको उपलब्धि बारे जानकारी दिँदै स्वास्थ्य शाखाका प्रमुख चुरामणि भट्टराईले १६ देखि २३ महिनाका ११४९ बालबालिकाहरूले पूर्ण खोप लगाएको बताउनुभयो । विभिन्न समयमा खोप अभियान सञ्चालन तथा स्वास्थ्य संस्था वाट निरन्तर सेवा प्रवाह गरिएको बताउनुभयो । खोपको सुनिश्चितता तथा नियमित खोपको दिगोपनमा सहयोग गर्ने विभिन्न सङ्घ संस्था तथा व्यक्तिहरूलाई सम्मान गरिएको छ ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि धडकन“ अडियो गीत सार्वजनिक भएको छ । एस एम मिडिया नेपालद्वारा आइतबार सार्वजनिक गरिएको हो । जसको लिरिक्स एमप र राजेन्द्र चौधरीले गरेका छन् भने एरेन्जर गणेश चौधरीले रहेका छन् । यस्तै शब्द संगित सरगम […]