निलो मसि 
बागलुङ : पछिल्ला तीन वर्षमा जिल्ला प्रहरी कार्यालय बागलुङले ५४ लागुऔषधका कारोबारीलाई पक्राउ गरेको छ। प्रहरीले आर्थिक वर्ष २०७५/७६ मा १२ जना, २०७६/७७ मा २९ जना र २०७७/७८ मा १३ जना गरी ५४ जनालाई कारबाही गरेको हो।
प्रहरीले आर्थिक वर्ष २०७५/७६ मा एक महिला र ११ पुरुष, ७६/७७ मा दुई महिला र २७ पुरुष र ७७/७८ मा दुई महिला र ११ पुरुषलाई पक्राउ गरी कारबाही गरेको छ। बागलुङमा विशेष गरी प्राकृतिक लागुऔषधका सेवनकर्ता र कारोबारी धेरै छन्।
जसको नियन्त्रणका लागि प्रहरीले विभिन्न योजना तथा अभियान बनाएर काम गरिरहेको छ। प्रहरीले स्कुलस्तरका विद्यार्थीहरूका लागि समेत विभिन्न सचेतनामूलक तथा युवाहरूका लागि युवा लक्षित कार्यक्रमहरू गरिरहेको जिल्ला प्रहरी कार्यालय बागलुङका सूचना अधिकारी इन्द्रबहादुर रानाले जानकारी दिए।
उनले भने ‘मागलाई कम गर्नका लागि समुदाय–प्रहरी साझेदारी अभियान अन्तर्गत जिल्लाका विभिन्न विद्यालयमा पुगी शिक्षक, विद्यार्थी तथा अभिभावकहरूलाई यसको असर तथा कानुनी कारबाही लगायतका विषयमा सचेतनामूलक कार्यक्रमहरू गरिरहेको छौँ ।’
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया