निलो मसि 
बागलुङ :बागलुङको बुर्तिबाङमा प्रिन्सिपलको कुटाइबाट एक विद्यार्थी गम्भीर घाइते भएको घटना बाहिर आएपछि प्रहरीले प्रिन्सिपललाई पक्राउ गरेको छ।
ढोरपाटन नगरपालिका–१ बुर्तिबाङ स्थित न्यू मोडर्न एकेडेमीमा कक्षा ९ मा अध्ययन गर्ने तमानखोला गाउँपालिका वडा नम्बर २ भयरबोङ्गाका १५ वर्षीय हिक्मत विक प्रिन्सिपल दीपक कुँवरको कुटाइबाट असार २२ गते गम्भीर घाइते भएका थिए।
उक्त घटना बाहिर आएपछि प्रहरीले दीपक कुँवरलाई प्रहरीले बुर्तिबाङबाट पक्राउ गरेको जिल्ला प्रहरी कार्यालयका सूचना अधिकारी तथा प्रहरी नायव उपरीक्षक इन्द्रबहादुर रानाले जानकारी दिए।
घाइते विकको शरीरमा चोट नभए पनि टाउको र शरीरका विभिन्न अंगमा नीलडाम छन्। टाउकोमा ठूलो चोट पुगेको हुँदा उनलाई रिँगटा लागेर उठ्न नसक्ने भएको विककी आमा मन्सरा विकले जानकारी दिइन्।
विद्यार्थी विकको उपचारका लागि परिवारले पोखरा लगेको छ। घटनाको विषय बिहीबार मात्रै सार्वजनिक भएको हो। घटनाको अनुसन्धानका लागि प्रिन्सिपललाई प्रहरीले नियन्त्रणमा लिएको छ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया