निलो मसि 
काठमाडौँ : नेपाली काँग्रेसका महामन्त्री गगनकुमार थापाले जनता कुशासनका कारण आक्रान्त भएको बताएका छन्।
आइतवार नेपाली काँग्रेसको मुखपत्र ‘नेपाल पुकार’को लोकार्पण समारोहलाई सम्बोधन गर्दै उनले यस्तो बताएका हुन्। पार्टी केन्द्रीय कार्यालय सानेपामा आयोजित कार्यक्रममा उनले आजको दिनमा कुशासनबाट जनता वाक्कदिक्क भएको बताए।
उनले एउटा प्रकरण सेलाउन नपाउँदै अर्को अनियमितताको प्रकरण आउनु नागरिक र देशका लागि दुःखद भएको बताए। उनले काँग्रेस सरकारमा भएका वेला यति धेरै कुशासनका घटना किन भइरहेको भन्दै प्रश्न गरे।
उनले भने, ‘एउटा नागरिकलाई गएर कसैले भेट्यो भने नागरिक सबैभन्दा बढी कुशासनले आजित छन्। एउटा काण्ड सेलाउन पाएको हुँदैन, अर्को काण्ड आउँछ। केही समयअघिसम्म एउटा काण्ड जताततै थियो। सुन काण्ड थियो, नक्कली भूटानी शरणार्थी प्रकरण थियो। अब एनसेल काण्ड आयो। यो काण्ड कुशासनसँग जोडिएको छ। शासन हामीले गरिरहेका छौँ। सुशासनका निम्ति जन्मिएको पार्टी हो। हामी सरकारमा भएका वेला र सबैभन्दा प्रभावशाली भएका वेला कुशासनका यति धेरै घटना किन भइरहेका छन्। यति धेरै काण्ड किन भइरहेका छन् ? नेपाल पुकार त्यसको जरामा पुग्नुपर्छ।’
महामन्त्री थापाले काँग्रेस समुन्नतिको पक्षमा अघि बढ्नुपर्ने बताए।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया