निलो मसि 
२७ मंसिर, काठमाडौँ : राष्ट्रियसभा अध्यक्ष गणेशप्रसाद तिमिल्सिनाले राजनीतिक दलहरूलाई गर्न सक्ने कुरा मात्र बोल्न आग्रह गरेका छन्।
दलहरूले चुनावमा गरेका घोषणा र प्रतिबद्धताको पालना नगर्दा नागरिक निराश भएको उनले बताएका छन्। बुधवार काठमाडौँमा आयोजित कार्यक्रमलाई सम्बोधन गर्दै उनले यस्तो बताएका हुन्।
उनले भने, ‘हामी जे बोल्छौँ, त्यो गर्नुपर्छ। सत्तामा हुँदा एउटा कुरा हुन्छ, त्यहीँ प्रतिपक्षमा हुँदा अर्को हुन्छ। त्यो भनेको जे बोल्छौँ, त्यो नगरेर हो। मत माग्दा के भनेको छ, पाएर जितिसकेपछि अर्को भइदिएको छ। हामी गर्नसक्ने कुरा बोलौँ, बोलेको कुरा गरौँ।’
उनले चुनावमा दलहरूले जारी गरेका घोषणापत्र र उम्मेदवारहरूले गरेका प्रतिबद्धताहरू पूरा नहुँदा नागरिक राजनीतिप्रति असन्तुष्ट रहेको बताए। उनले बोलेको कुरा पूरा नगर्दा समाजमा समस्या पैदा भएको बताए। उनले सत्तामा हुँदा एउटा र प्रतिपक्षमा हुँदा अर्कै कुरा बोल्ने परिपाटी अन्त्य हुनुपर्ने बताए।
उनले भने, ‘चुनावमा दलहरूले घोषणापत्र जारी गर्छन्, उम्मेदवारहरूले मत माग्दा विकास, समृद्धि, सुशासन, न्याय आदि इत्यादि भाषण गर्ने गर्छौं। जे बोल्छौँ, त्यो गरिदिए हुन्छ। यहाँ त जे बोल्छौँ त्यो नगर्ने कुरा भएको हुँदा बिग्रिएको छ।’
अध्यक्ष तिमिल्सिनाले आम नागरिकको दैनिकीसँग जोडिने विषयवस्तुमा सरकारले विशेष ध्यान दिई काम कारबाही गर्न आवश्यक रहेको बताए।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया