निलो मसि 
काठमाडाैं : उपसभामुख इन्दिरा रानालाई हटाउन सत्तारुढ कांग्रेस र एमालेले आन्तरिक तयारीमा लागेका छन्। सोही प्रयोजनका लागि दुबै दलले सांसदहरूलाई बोलाएका छन् ।
एमाले संसदीय दलको कार्यालय सिंहदरबारमा सांसदहरू पुग्ने क्रम जारी छ । प्रमुख सचेतकको कार्यकक्षमा धमाधम हस्ताक्षर भइरहेको र आफूले पनि खाली कागजमा हस्ताक्षर गरेर आएको एक सांसदले जानकारी दिए। ती सांसदले भने, ‘मैले पनि भर्खर हस्ताक्षर गरेर आएँ । खाली पेपरमा हस्ताक्षर संकलन गरिँदैछ।’
यस्तै नेपाली कांग्रेसले पनि आफ्ना सांसदहरूलाई दिउँसो २ बजेभित्र संसदीय दलको कार्यालयमा अनिवार्य उपस्थित हुन भनेको छ । प्रमुख सचेतक श्याम घिमिरेका अनुसार त्यसअघि अहिले सभापति शेरबहादुर देउवाको निवास बूढानीलकण्ठमा पदाधिकारी बैठक बसिरहेको छ । सांसदहरूलाई बोलाएर कांग्रेसले समेत हस्ताक्षर गराउने तयारी गरेको छ ।
सत्तारुढ दलहरुले उपसभामुख रानालाई हटाउने निर्णायक तयारी सुरु गरेका हुन् । उपसभामुख रानाले अमेरिका जाने भिसामा सहजीकरण गर्न अर्न्तवार्ताका लागि आफूसहित पाँच जनाका लागि दूतावासलाई पत्र लेखेको विषयमा प्रश्न उठ्दै आएको छ ।
रानाले पदीय आचरण विपरीतका काम गरेको भन्दै नैतिकताको प्रश्न उठाएर महाभियोगसम्मको तयारीका लागि हस्ताक्षर संकलन थालिएको हो । अहिले संवैधानिक परिषद्मा कांग्रेसको सहभागिता छैन ।
यसअघि गतवर्ष समेत कांग्रेसलाई उपसभामुखको भाग दिएर परिषद्मा ल्याउन रानालाई हटाउने खेल सुरु भएको थियो । तर, सत्तारुढ सांसदकै असहमतिका कारण सफल हुन सकेको थिएन । यसपटक भने उनीहरुले दुई तिहाई जुटाउन एकीकृत समाजवादी लगायत दलहरूसँग समेत सहयोग मागेको बुझिएको छ ।
एकैपटक दुई ठूला दलले सांसदहरूलाई आकस्मिक रुपमा बोलाएपछि प्रतिपक्षीहरु सशंकित बनेका छन् । उपसभामुख आबद्ध रहेको दल रास्वपाले औपचारिक रुपमा कुनै प्रतिक्रिया भने दिन मानेको छैन । थाहा खबर
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया