विजयनगर-१ नयाँबस्तीमा खुल्ला पुरुष तथा महिला भलिबल प्रतियोगिता सुरु

घनश्याम भर

(विजयनगर) कपिलवस्तु, १२ कार्तिक ।

कपिलवस्तुकाे विजयनगर गाउँपालिका-१ नयाँबस्तीमा खुल्ला पुरुष तथा महिला भलिबल प्रतियोगिता सुरु भएको छ । एकादशीकाे अवसरमा भलिबल प्रतियोगिता सञ्चालन गरिएको एकादशी मेला तथा खेलकुद व्यवस्थापन समितिका अध्यक्ष भुपाल सिंह थापाले जानकारी दिए ।

गाउँपालिका अध्यक्ष गाेपाल बहादुर थापाले आयाेजित पुरुष तथा महिला भलिबल प्रतियोगिताकाे उद्घाटन गरेका हुन् । आउने शनिबार एकादशीकै अवसरमा साँस्कृतिक कार्यक्रम समेत हुने आयाेजकले जनाएको छ । राष्ट्रिय लाेक दाेहरी तथा स्थानीय कलाकारहरुकाे प्रस्तुति समेत रहने व्यवस्थापन समितिका अध्यक्ष थापाले जनाए ।

भलिबल प्रतियोगितामा पुरुषतर्फ प्रथम हुने टीमले रु. ३० हजार, दाेस्रे हुनेले रु. २० हजार र तेस्राे हुनेले रु. १० हजार नगदसहित शिल्ड मेडल र प्रमाण-पत्र प्राप्त गर्ने छन् । यसैगरी महिलातर्फ प्रथम हुने टीमले रु. १० हजार, दाेस्राेे हुनेले रु. ७ हजार र तेस्रो हुनेले रु. ४ हजार नगदसहित शिल्ड मेडल र प्रमाण-पत्र प्राप्त गर्ने तुल बहादुर सारुले जानकारी दिए ।

कार्यक्रमलाई सम्बाेधन गर्दै गाउँपालिका अध्यक्ष गाेपाल बहादुर थापाले खेलकुदले समाजमा एकता बढाउने काम गरेकाे बताउँदै धर्म संस्कृतिक संरक्षणमा जाेड दिएकाे बताए । यस्ता खेलहरुले खेलाडीहरुलाई प्राेत्साहन र सद्भाव बढाएको जिकिर गर्दै व्यक्तिगत विकाससँगै खेलमार्फत राष्ट्रलाई विश्व चिनाउने काम गरेकाे अध्यक्ष थापाले प्रशंसासमेत गरे ।

यस्तै गाउँपालिका उपाध्यक्ष लक्ष्मी कुमारी चाैधरीले खेलाडीले खेलकुदलाई निरन्तरता दिए अवश्य गन्तव्यमा पुग्ने विश्वास दिलाइन् । उनले एकादशीमा हरेक वर्ष आयाेजना हुँदै आएकाे यस खेलकुल र साँस्कृतिक कार्यक्रमले परम्परागत धर्म, संस्कृतिकाे संरक्षण महत्त्वपूर्ण टेवा पुगेकाे बताइन् । उपाध्यक्ष चाैधरीले नयाँ पुस्तालाई थाहा नभएको परम्परालाई हस्तान्तरण गर्ने विश्वास व्यक्त गरिन् ।

कार्यक्रमलाई गाउँपालिका प्रमुख प्रशासकीय अधिकृत शाेभाराम रिजाल, समाजसेवी थर्क बहादुर खन्गाहाले सम्बाेधन गरेका थिए । कार्यक्रममा कार्यपालिका सदस्य दमन्ती राना, वडा सदस्य तिजमाज राई, गाैतमबुद्ध साझेदारी बनका अध्यक्ष प्रवेज आलम खान, समाजसेवी लाैेलेश्वर खटिक, सन्ताेष तेली लगायतकाे उपस्थिति थियोे ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…