निलो मसि 
घनश्याम भर
(विजयनगर) कपिलवस्तु, १३ कार्तिक ।
कपिलवस्तुकाे गाैेतमबुद्ध साझेदारी बन उपभोक्ता समुहको १०औँ साधारण सभा सम्पन्न भएको छ । बिहिबार विजयनगर गाउँपालिकाकाे सभाहल खडैचामा आर्थिक वर्ष २०८१/०८२ काे साझेदारी बनकाे साधारण सभा भएको आयोजकले जनाएको छ ।
कार्यक्रमलाई सम्बाेधन गर्दै लुम्बिनी प्रदेशका सांसद तथा पुर्व मन्त्री जानकी प्रसाद यादवले बन र मान्छे एक अर्काकाे पुरक भएको बताउँदै वृक्षारोपण गर्नुपर्ने कार्यमा जाेड दिए । उनले यस आफु साझेदारी बनकाे उपभोक्ता समुुहकाे अध्यक्ष भएको बेला धेरै अतिक्रमित क्षेत्रलाई हटाएको दाबी गरे ।
यस्तै विजयनगर गाउँपालिका अध्यक्ष गाेपाल बहादुर थापाले संरक्षण र विकासका लागि बन र गाउँपालिकाले समन्वयात्मक भूमिका निर्वाह गर्नुपर्ने बताउँदै बनसँग साझेदारी गर्न तयार रहेको बताए । जलवायु परिवर्तनका कारण दिनप्रतिदिन मानवीय जीवनमा असर पर्दै गएकाे हुँदा सबैले बन संरक्षण अभियानमा लाग्नुपर्नेमा जाेड दिए । अध्यक्ष थापाले सामाजिक गतिविधिलाई अगाडी बढाउन स्थानीय तहसँग जाेडेर हरेक सेवा-सुविधा नागरिकसम्म पुर्याउन सुझावमसेत दिए ।
यसैगरी डिभिजनल बन कार्यालयका सिनियर बन अधिकृत महेन्द्रराज वाग्ले प्रदेशकाे कानुन अनुसार राष्ट्रिय बनलाई व्यवस्थापन गर्दै बढिरहेको बताउँदै बनकाेे संरक्षण र विकासमा सबै जिम्मेवारी भई आफ्ना कर्तव्य निर्वाह गर्नुपर्ने आवश्यकता भएको बताए । उनले २ सय ८८ हेक्टर क्षेत्र बन अतिक्रमण भएको जिकिर गर्दै आम नागरिक सचेत भए मात्र बन अतिक्रमण हटाउनुकाे साथै वृक्षारोपण गरि बन विकास गर्न सकिने तर्क गरे ।
यस्तै गाैतमबुद्ध साझेदारी बन उपभोक्ता समुहका अध्यक्ष प्रवेज आलम खानले पुनरुत्पादन कटान प्लटसहित विभिन्न स्थानमा १६.३४ किलोमिटर तारबार, ८०.२४ किलाे मिटरमा अग्नि रेखा निर्माण तथा मर्मत स्तराेन्नती र अतिक्रमण व्यवस्थापनका लागि विभिन्न ठाउँमा ७२.६२ हेक्टरमा काँडे तारबार सहित वृक्षरोपण बताए ।
गाैतमबुद्ध साझेदारी बन उपभोक्ता समुहकी उपाध्यक्ष सिमा अर्यालले आर्थिक २०८१/०८२ काे वार्षिक प्रगति प्रतिवेदन प्रस्तुतीसँगै आगामी कार्ययोजनालाई बनले कार्यान्वयनमा जाेड दिएकाे प्रतिवेदनमार्फत जानकारी गराइकी थिइन् ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया