निलो मसि 
घनश्याम भर
(विजयनगर) कपिलवस्तु, १० पाैष ।
कपिलवस्तुकाे विजयनगर गाउँपालिका-४, त्रिपालनगरमा सञ्चालित १ महिने नाैमती पञ्चे बाजा तालिमकाे समापन भएको छ । त्रिपालनगरमा रहेकाे संगम आमा समूहमा आबद्ध महिलाहरुका लागि नाैमती पञ्चे बाजा तालिम सुरु गरिएको थियोे ।
संगम आमा समूहकाे आयोजना र विजयनगर गाउँपालिकाको सहयोगमा साे तालिम सञ्चालन गरिएको थियोे । समुदायबाट लाेप हुँदै गएकाे परम्परागत साँस्कृतिक कलाकाे संरक्षणमा महत्त्वपूर्ण टेवा पुग्ने उद्देश्यले नाैमती पञ्चे बाजा बजाउन सिक्ने तालिममा आबद्ध सिकारुहरुकाे भनाई छ ।
कार्यक्रमलाई सम्बाेधन गर्दै गाउँपालिकाका अध्यक्ष गोपाल बहादुर थापाले परम्परागत साँस्कृतिक धरोहर जोगाउँदै लोक बाजा सिकाई र संरक्षणमा महत्त्वपूर्ण टेवा पुग्ने बताए । उनलेे आमा समूहका महिलालाई व्यावसायिक हिसाबले अगाडी बढ्नुपर्नेमा जाेड दिए ।
अहिले पञ्चे बाजा लाेकप्रिय हुँदै गएकाे बताउँदै चाँसाे दिई यसमा लाग्नुपर्ने अध्यक्ष थापाले जिकिर गरे । पञ्चे बाजाकाे माग पनि बढ्दै गएको हुँदा समाजमा विद्यामान रहेका विकृति, विसंगति हट्नुकाे साथै आयआर्जनकाे पाटाे समेत बलियो हुने उनको भनाई छ ।
यस्तै संगम आमा समूहकी अध्यक्ष भूमा देवी बस्यालले समुदायमा साँस्कृतिक कला जगेर्ना तथा महिलाको सहभागिता अभिवृद्धि गर्ने उद्देश्यले १ महिने पञ्चे बाजा तालिम प्रदान गरिएको बताइन् ।
तालिमले स्थानीय समुदायमा साङ्गीतिक कौशल वृद्धि गर्ने विश्वास व्यक्त गर्दै यसले नेपाली समुदायमा आफ्नो पहिचान कायम गर्दै बाह्य विकृतिलाई न्यूनीकरणमा मद्दत पुग्ने उनको भनाई छ ।
कार्यक्रमलाई ४ का वडा अध्यक्ष तिलकराम कँडेल, कार्यपालिक सदस्य टंक बहादुर सुनार, समाजसेवी शान्ति राेका, सरिता पाण्डे लगायतले सम्बाेधन गरेका थिए ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया