निलो मसि 
घनश्याम भर
(विजयनगर) कपिलवस्तु, १ माघ ।
कपिलवस्तुकाे विजयनगर गाउँपालिका-७ गणेशपुरमा अवस्थित लौटन राम द्रौपदी देवी माध्यमिक विद्यालय परिसरमा सरस्वती माताको मन्दिर निर्माण सम्पन्न भएसँगै प्राण प्रतिष्ठा तथा रासलीला महोत्सव आयोजना हुने भएको छ । विद्यालय प्रशासनले बिहिबार पत्रकार सम्मेलनमार्फत महोत्सवको सम्पूर्ण तयारी अन्तिम चरणमा पुगेको जानकारी दिएको हो ।
शैक्षिक, धार्मिक तथा सांस्कृतिक महत्व बोकेको यस महोत्सवलाई सभ्य, भव्य र ऐतिहासिक बनाउने उद्देश्यले विभिन्न उप-समिति गठन गरिएको विद्यालयले जनाएको छ । सुरक्षा, व्यवस्थापन, पूजा विधि, अतिथि सत्कार, साँस्कृतिक कार्यक्रम, प्रचार-प्रसार लगायत विभिन्न छुट्टाछुट्टै उप-समिति गठन गरी जिम्मेवारी बाँडफाँड गरिएको विद्यालय प्रधानाध्यापक श्याम प्रकाश चाैधरीले जानकारी दिए ।
कार्यक्रम तालिका अनुसार २०८२ माघ ७ गते बुधबार कलश यात्रासँगै महोत्सवको औपचारिक शुभारम्भ हुनेछ कलश यात्रा विद्यालय परिसरबाट सुरु भई झिँगहा चाैराहा हुलाकी सडक हुँदै चरगंहवा नदीकाे जल भरेर पुनः त्यही बाटाे हुँदै विद्यालयमा प्रवेश गरिनेछ । करिब २ सय ५१ जना श्रद्धालुहरु कलश यात्रामा सहभागी हुने आयाेजकले जनाएको छ । कलश यात्रामा विद्यालय परिवार, स्थानीय श्रद्धालु, महिला समूह तथा विद्यार्थीहरूको उल्लेखनीय सहभागिता रहने अपेक्षा गरिएको छ ।
त्यसैगरी माघ ८ गते बिहीबार नेत्र मिलाप कार्यक्रम आयोजना गरिनेछ भने माघ ९ गते शुक्रबार सरस्वती माताको प्राण प्रतिष्ठा तथा पूर्ण आहुती कार्यक्रम सम्पन्न गरिनेछ । महोत्सव अवधिभर दैनिक रूपमा बिहान ७:०० बजेदेखि साँझ ५:०० बजेसम्म विधिपूर्वक पूजापाठ कार्यक्रम सञ्चालन हुनेछ ।
यसैगरी धार्मिक वातावरणसँगै सांस्कृतिक चेतना अभिवृद्धि गर्ने उद्देश्यले प्रत्येक दिन साँझ ७:०० बजेदेखि राति १२:०० बजेसम्म वृन्दाबनका रास मंडलीद्वारा रासलीला कार्यक्रम प्रस्तुत गरिने आयोजकले जानकारी दिएका छन् ।
सरस्वती माताको मन्दिर निर्माण, प्राण प्रतिष्ठा तथा रासलीला महोत्सवका संयोजक तथा विद्यालय व्यवस्थापन समितिका अध्यक्ष दिनेश कुमार चौधरीले पत्रकार सम्मेलनमा बोल्दै सरस्वती माता ज्ञान, विद्या र संस्कृतिको प्रतीक भएकाले विद्यालय परिसरमा मन्दिर स्थापना हुनु गौरवको विषय भएको बताए । उनले यस महोत्सवले धार्मिक आस्थासँगै सामाजिक एकता र साँस्कृतिक संरक्षणमा महत्वपूर्ण योगदान पुर्याउने विश्वास व्यक्त गरे ।
विद्यालय प्रशासनका अनुसार महोत्सवमा स्थानीय तहका जनप्रतिनिधि, शिक्षाविद्, समाजसेवी तथा धर्मप्रेमी व्यक्तिहरूको सहभागिता रहनेछ । महोत्सवलाई सफल पार्न सम्पूर्ण स्थानीयवासी, अभिभावक, विद्यार्थी तथा श्रद्धालुहरूलाई कार्यक्रममा उपस्थित भई सहयोग गर्न आयोजक समितिले आग्रह गरेको छ ।
उक्त महोत्सवले गणेशपुर क्षेत्रलाई धार्मिक तथा साँस्कृतिक दृष्टिले थप चिनाउने अपेक्षा गरिएको छ ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया