निलो मसि 
सुशीला मिश्र
(विजयनगर) कपिलवस्तु, ३० बैशाख ।
कपिलवस्तुको विजयनगर गाउँपालिका-२ मा अवस्थित नेपाल तारा माध्यमिक विद्यालय मगरघट्टामा अध्ययनरत किशोरीहरूको रक्तअल्पता (एनिमिया) जाँच गर्दा ३५ प्रतिशतभन्दा बढीमा समस्या देखिएको छ ।
गुगौली स्वास्थ्य चौकीका प्रमुख तिलक बगालेले बुधबार विद्यालयमा ५७ जना किशोरीहरूको स्वास्थ्य परीक्षण गरिएको बताए । जाँचका क्रममा २० जना किशोरीमा रक्तअल्पताको समस्या देखिएको र उनीहरूलाई आवश्यक औषधी सेवनका लागि सिफारिस गरिएको उनले जानकारी दिए ।
किशोरीहरूको स्वास्थ्य अवस्था सुधार गर्ने उद्देश्यले गरिएको उक्त जाँच कार्यक्रमले समयमै समस्या पहिचान गरी उपचार प्रक्रिया अघि बढाउन सहयोग पुगेको स्वास्थ्यकर्मीहरूले बताएका छन् । १० वर्ष माथि उमेरका किशाेरीहरुकाे रक्तअल्पता जाँच गरिएको छ । उनीहरूकाे ताैल र उचाईसमेत लिएकाे छ ।
विद्यालयस्तरमै स्वास्थ्य परीक्षण तथा सचेतनामूलक कार्यक्रम सञ्चालन गर्दा किशोरीहरू आफ्नो स्वास्थ्यप्रति थप सजग बन्ने अपेक्षा गरिएको छ ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया