निलो मसि 
कृष्णनगर, ३० बैशाख ।
कपिलवस्तु प्रहरीले विभिन्न स्थानबाट अवैध रूपमा भारतबाट नेपालतर्फ ल्याइँदै गरेका सामान तथा मोटरसाइकल नियन्त्रणमा लिएको छ । प्रहरीका अनुसार विजयनगर गाउँपालिका-६ जडपनिया सडक खण्डमा अस्थायी प्रहरी पोष्ट खड्चाबाट खटिएको टोलीले भारतबाट ल्याइँदै गरेको केरा, आँप र अनार बोकेको मोटरसाइकललाई पछ्याउँदा चालक सामान छोडेर फरार भएका थिए ।
अनुमानित बजार मूल्य १२ हजार ५ सय रुपैयाँ बराबरकाे सामान रहेको प्रहरीले जनाएको छ । बरामद सामान आवश्यक कारबाहीका लागि भन्सार कार्यालय कृष्णनगर पठाइएको छ ।
त्यसैगरी शुद्धोधन गाउँपालिका-२ बरगदवा स्थित इलाका प्रहरी कार्यालय पकडीबाट खटिएको टोलीले भारतबाट भन्सार छली गरी ल्याइँदै गरेको पेय पदार्थ तथा चिनी बरामद गरेको छ । पेय पदार्थको मूल्य ४ हजार ८ सय रुपैयाँ र चिनीको मूल्य १२ हजार रुपैयाँ गरी कुल १६ हजार ८ सय रुपैयाँ बराबरको सामान बरामद गरिएको हो। सामान बोकेको मोटरसाइकल भने चालकले घटनास्थलमै छोडेर फरार भएको प्रहरीले जनाएको छ ।
यस्तै कृष्णनगर नगरपालिका-१२ जोशीडवा क्षेत्रमा भारतबाट नेपालतर्फ ल्याइँदै गरिएको कुखुराको चल्ला प्रहरीले नियन्त्रणमा लिएको छ । यूपी ५१ जे ७०९८ नम्बरको मोटरसाइकलमा ल्याइँदै गरेको १० कार्टुनमा रहेका १ हजार वटा चल्लाको अनुमानित मूल्य १ लाख रुपैयाँ रहेको छ ।
मोटरसाइकलको मूल्य समेत जोड्दा कुल २ लाख रुपैयाँ बराबरको सामग्री बरामद भएको प्रहरीले जनाएको छ । चल्लालाई स्थानीय जनप्रतिनिधि तथा सञ्चारकर्मीको रोहबरमा नष्ट गरिएको तथा मोटरसाइकल भन्सार कार्यालय पठाउने तयारी गरिएको छ ।
प्रहरीले तीनवटै घटनाबाट कुल २ लाख २९ हजार ३ सय रुपैयाँ बराबरको सामान बरामद गरेको जनाएको छ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि धडकन“ अडियो गीत सार्वजनिक भएको छ । एस एम मिडिया नेपालद्वारा आइतबार सार्वजनिक गरिएको हो । जसको लिरिक्स एमप र राजेन्द्र चौधरीले गरेका छन् भने एरेन्जर गणेश चौधरीले रहेका छन् । यस्तै शब्द संगित सरगम […]
प्रतिक्रिया