निलो मसि 
कपिलवस्तु, २५ माघ ।
जिल्लाको चन्द्रौटामा हालै संचालनमा आएको ओम टेक्निकल एण्ड एजुकेशनल एकेडेमी प्रा.लि.ले पहिलो पटक युवा लक्षित सुनौलो अवसर ल्याएको छ ।
सीपविना बिदेशिएका युवाहरुले भोग्नुपरेको समस्यालाई मध्यनजर गर्दै ओम टेक्निकलले युवा लक्षित विभिन्न सीपमूलक कार्यक्रम संचालनमा ल्याएको हो । एकेडेमी प्रा.लि.ले अहिले ६० जना बेरोजगार युवाहरुलाई निःशुल्क सीपमूलक तालिम दिइरहेको एकेडेमीका संचालक श्रीजन पोखरेलले जानकारी दिए ।
सीप नभएर दुःख भोग्दै आएका युवाहरुका लागि तीन महिने निःशुल्क हाउस वायरिङ र मोटरसाइकल मेकानिकल तालिम संचालनमा ल्याएको पोखरेलले बताए । “सीपपछि युवाहरु स्वरोजगार हुनेछन् र विदेशमा जाँदा पनि सीपअनुसारको काम पाउने विश्वास छ” –संचालक पोखरेलले भने । “सीटीईभीटीबाट मान्यता प्राप्त भएकाले यहाँबाट सीप सिकेका युवाले दुःख भोग्नु पर्दैन ।”
आगामी दिनमा ओम टेक्निकल एण्ड एजुकेशनल एकेडेमी प्रा.लि. युवाहरुका लागि विभिन्न सीपमूलक एवं रोजगारका कार्यक्रम ल्याउने पोखरेलले जनाएका छन् । बिल्डिङ्ग इलेक्ट्रिकल, इन्डस्ट्रियल इलेक्ट्रिकल, प्लम्बिङ, कम्प्यूटर, कुक, फ्रिजेसी लगायतका तालिम संचालनको तयारीमा रहेको उनले बताएका छन् ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया