निलो मसि 
काठमाडौं – नेपालमा पुस २० गते कोरोनाभाइरसको तेस्रो लहर तीव्र रूपमा फैलिरहेपनि स्वास्थ्य मन्त्रालयको तथ्याङ्कले केही राहत दिएको छ । मन्त्रालयको तथ्याङ्क अनुसार सङ्क्रमित बढ्दै गएपछि अस्पताल भर्ना हुने, आईसीयू र भेन्टिलेटर प्रयोग गर्ने बिरामीको सङ्ख्या ५ गुणासम्म घटेको छ।
इपिडिमियोलोजी तथा रोग नियन्त्रण महाशाखाका निर्देशक डा कृष्णप्रसाद पौडेलले कोरोनाको तेस्रो लहर ओमिक्रोनबाट सङ्क्रमण ह्वात्तै बढे पनि गम्भीर अवस्थाका बिरामी भने कम रहेको बताए । यद्यपि उनले कोरोनालाई हेलचेक्रयाइँ नगरी स्वास्थ्य मापदण्ड पालनामा जोड दिए ।
‘तेस्रो लहरका दिनहरू गुजारिरहँदा गत जेठसम्म डेल्टा थियो । त्यस बेलाको अहिले तुलना गर्ने हो भने अहिले ४ गुणा आईसीयूमा र ५ गुणाभन्दा कमलाई भेन्टिलेटर आवश्यक परेको छ । संस्थागत आईसोलेशनमा रहनेको सङ्ख्या पनि पाँच गुणाभन्दा कम रहेको छ’, उनले बुधबार स्वास्थ्य मन्त्रालयको प्रेस ब्रिफिङमा भने, ‘सङ्क्रमण बढी र भर्ना हुने दर धेरै कम रहेको छ । तर, सङ्क्रमण दर बढ्दै जाँदा भर्ना हुने दर पनि बढी हुने भएकाले स्वास्थ्य मापदण्डको पालना गर्न जरुरी रहेको छ ।’
उनका अनुसार हाल १ हजार ८१९ संस्थागतमा रहेका छन् भने त्यसमध्ये २५१ आईसीयू र भेन्टिलेटरमा ४८ जना रहेका छन् । कुनै पनि भाइरसको सङ्क्रमणपछि पनि स्वास्थ्यमा कस्ता जटिलता हुन्छ भन्ने रोग प्रतिरोधी क्षमतामा भर पर्ने भएकाले स्वास्थ्य मापदण्डको पालना गर्दै स्वास्थ्यको ख्याल गरिराख्नु पर्ने उनको भनाइ छ ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया