निलो मसि 
काठमाडौं : सुर्खेत, सप्तरी र बझाङमा भएको सवारी दुर्घटनामा परी ३ जनाको मृत्यु भएको छ। अन्य १३ जना घाइते भएका छन्। सुर्खेतको गुर्भाकोट नगरपालिका १३ शेरघारी फर्ममा शनिबार साँझ टेम्पो अनियन्त्रित भएर पल्टिदा १ जनाको मृत्यु भएको छ भने चालक सहित ३ जना घाइते भएका छन् ।
मृत्यु हुनेमा टेम्पोमा सवार सुर्खेतकै गुर्भाकोट नगरपालिका १४ का अन्दाजी ६० बर्षीय पदम बहादुर रासकोटी रहेका छन्। गम्भीर घाइते भएका उनको उपचारको क्रममा मेहलकुना अस्पतालमा बेलुकी सवा ७ बजे मृत्यु भएको हो।
दुर्घटनामा सामान्य घाइते भएका चालक ३१ बर्षीय पदम शाही, टेम्पोमा सवार ४५ बर्षीय गोपाल पुन, ४२ बर्षीया पूर्णकला पुनको सोही अस्पतालमा उपचार भइरहेको छ । बेतनीबाट गुमीतर्फ आउदै गरेको भे १ ह ३० ४९ नम्बरको टेम्पो हिजो साँझ पौने ७ बजे, पल्टिएको थियो।
यसैगरी सप्तरीको रुपनी गाँउपालिका ५ मुसहरनिय बसबिटीमा गएराति ट्याक्टर पल्टिदा चालकको मृत्यु भएको छ । २ जना घाइते भएका छन्। गम्भीर घाइते भएका चालक स्थानिय २८ बर्षीय रविन्द्र यादवलाई उपचारको लागी राजविराज स्थित गजेन्द्र नारायण सिंह सगरमाथा अञ्चल अस्पताल पुर्याउनासाथ चिकित्सकले मृत घोषणा गरेका थिए । दुर्घटनामा घाइते भएका ट्याक्टरमा सवार स्थानिय ७१ बर्षीय भरत यादव र उनका १७ वर्षीय नाति सुभाष कुमार यादवको रुपनी स्थित युनिक अस्पतालमा उपचार भइरहेको छ। खाडो खोलाको डिलबाट गँहु लोड गरी बसबिटी गाँउतर्फ आउदै गरेको स १ त ५१ ५४ ट्याक्टर गएराति साढे १० बजे, नियन्त्रण गुमाएर पल्टिएको थियो।
बझाङको बित्थडचिर गाँउपालिका-४ देउलेख बजार नजिक गएराति जिप दुर्घटना हुँदा १ जनाको मृत्यु भएको छ भने ८ जना घाइते भएका छन्। मृत्यु हुनेमा जिपमा सवार सुर्मा गाँउपालिका १ का २७ वर्षीय विनोद बोहोरा रहेका छन्। गम्भीर घाइते भएका उनको उपचारको क्रममा प्राथमिक स्वास्थ्य केन्द्र देउलेखमा मृत्यु भएको हो। घाइते मध्ये ७ जनाको स्थानीय अस्पतामा उपचार भइरहेको छ भने एक जनालाई उपचारको लागि धनगढी पठाइएको छ।
चैनपुरबाट धनगढीतर्फ आउदै गरेको सुदुर पश्चिम प्रदेश ०१-००१ च ००९५ नम्बरको जिप गएराती साढे १२ बजे, अनियन्त्रित भई सडकबाट अन्दाजी ५० मिटर तल खसेको थियो।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया