निलो मसि 
काठमाडौं : राष्ट्रपति विद्यादेवी भण्डारीले इस्लाम धर्मावलम्बीको महान् पर्व इदले इस्लाम समुदायको मौलिक संस्कृति र परम्पराको संरक्षण र संवर्धन गर्न टेवा पुग्ने विश्वास व्यक्त गरेका छन्।
राष्ट्रपति भण्डारीले शुभकामना सन्देशमा इद उल फित्रको अवसरमा स्वदेश तथा विदेशमा रहेका नेपाली इस्लाम धर्मावलम्बीमा सुख, शान्ति र समृद्धिको कामना गरिएको छ। उनले यो पर्वले नेपालीबीच राष्ट्रिय एकता र सांस्कृतिक ऐक्यबद्धताको भावना सुदृढ गरी सभ्य, समुन्नत र समृद्ध समाज निर्माणका लागि प्रेरणा प्रदान गरोस् भन्ने कामना गरेकी छिन्।
‘इद पर्वले विविधतायुक्त नेपाली समाजमा विद्यमान सहिष्णुता र सहकार्यको संस्कृतिलाई थप सुदृढ बनाउन मद्दत पुर्याएको छ’, सन्देशमा भनिएको छ, ‘इस्लाम समुदायमा रहेको दान गर्ने परम्पराका साथै इदको अवसरमा मान्यजनबाट आशीर्वाद लिने एवं आपसमा खुसी आदानप्रदान गर्ने प्रचलनले नेपाली संस्कृतिमा अन्तर्निहित प्रबल मानवीय पक्षलाई प्रतिविम्बित गर्दछ।’
इदका अवसरमा उपराष्ट्रपति नन्दबहादुर पुनले नेपालका सम्पूर्ण इस्लाम धर्मावलम्बीलाई शुभकामना दिएका छन्। उनले भाइचारा र पारिवारिक मिलनको रूपमा मनाइने इदउल फित्रले राष्ट्र निर्माण, राष्ट्रिय एकता, धार्मिक सहिष्णुता, सामाजिक सद्भाव, आपसी मित्रतालाई सुदृढ गर्ने विश्वास व्यक्त गरेका छन्।
यस्तै प्रधानमन्त्री शेरबहादुर देउवाले इदका अवसरमा स्वदेश तथा विदेशमा रहेकाइस्लाम धर्मावलम्बी नेपालीमा सुख, शान्ति, सु–स्वास्थ्य र प्रगतिको कामना गरेका छन्। शुभकामना सन्देशमार्फत उनले धार्मिक, सांस्कृतिक विविधताभित्रको एकता नेपालीको पहिचान भएको भन्दै यसको संरक्षण र संवर्धन गर्नु सबैको साझा दायित्व भएको बताएका छन्।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया