निलो मसि 
जनकपुरधाम : सिरहामा आफ्नै साथीले मजाकमा गोली चलाउँदा एक युवक गम्भीर घाइते भएका छन्।
लहान नगरपालिका वडा नम्बर २२ स्थित बेल्ही टोलमा स्थानीय रविन चौधरीको घरमा गोली चल्दा सोही ठाउँ बस्ने १८ वर्षीय दिलीप मुखिया गम्भीर घाइते भएका छन्।
आइतबार बिहान करिब पौने ९ बजे चौधरीको घरमा १९ वर्षीय सुशान्त चौधरी, १५ वर्षीय सुरज मुखिया र १८ वर्षीय दिलीप मुखिया बसिरहेकोमा ख्यालख्यालमै सुशान्तले गोली चलाउँदा दिलीपलाई लागेको जिल्ला प्रहरी कार्यालय सिरहाका प्रवक्ता प्रहरी नायव उपरीक्षक सुभाष बुढाथोकीले बताए।
दिलीपको पेटभन्दा माथिको भागमा गोली लागेकोले उनको अवस्था गम्भीर रहेको र उपचारका लागि धरान पठाइएको डीएसपी बुढाथोकीले जानकारी दिए।
घटनापछि प्रहरीले सुशान्त र सुरजलाई नियन्त्रणमा लिएको छ भने उक्त घरबाट नाम नखुलेको पेस्तोल १ थान, ७.६५ एमएम लेखिएको गोली ५ राउन्ड, म्यागाजिन १ थान, गोलीको खोका १ थान बरामद गरेका हुन्।
सुशान्तको घर नजिकको बाँसबारीबाट कटुवा पेस्तोल एक थान, त्यसमा लाग्ने गोली पाँच राउन्ड, गोली फायर भएको बन्दुकमा लाग्ने गोली चार राउन्ड बरामद भएको छ।
घटना सम्बन्धमा थप अनुसन्धान भइरहेको जिल्ला प्रहरी कार्यालय सिरहाले जानकारी दिएको छ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया