निलो मसि 
विजयनगर, कपिलवस्तु
विजयनगर स्वास्थ्य शाखामा मेडिकल अधिकृत डाक्टरद्धारा हप्ताको एक दिन स्वास्थ्य चेकजाँच गरिन्थ्यो , तर अहिले हप्तामा दुई दिन शुक्रवार र सोमवार स्वास्थ्य चेकजाँचको व्यवस्था मिलाइएको छ ।
विजयनगर स्वास्थ्य शाखाबाट ७० प्रकारको औषधीहरु स्वास्थ्य शाखा, ४ ओटा स्वास्थ्य चौकी र एक सामुदायिक स्वास्थ्य ईकाईबाट उपलब्ध गराईरहेको स्वास्थ्य शाखा प्रमुख यज्ञ प्रसाद अधिकारीले बताउनु भएको छ । राज्यले निःशुल्क रुपमा उपलब्ध गराएको ७० प्रकारकै औषधीहरु सेवाग्राहीलाई उपलब्ध गराएको प्रमुख अधिकारीले दावी गर्नु भएको छ ।
गत आर्थिक वर्षदेखि स्वास्थ्य शाखामा हप्तामा मेडिकल अधिकृत डाक्टरद्धारा एक दिन स्वास्थ्य जाँच गरिन्थ्यो भने अहिले हप्तामा दुई दिन शुक्रवार र सोमवार स्वास्थ्य चेकजाँचको व्यवस्था मिलाइएको बताउनु भयो । असोज महिनादेखि हरेक महिना एक देखि दुई जना विशेषयज्ञ डाक्टरद्धारा सेवा सुचारु गरिरहेको बताउनु भयो ।
जनसंख्याको आधारमा र राज्यको संघियाता संरचनाको व्यवस्था अनुसार हरेक वडामा स्वास्थ्य चौकी, १५ शैøयाको अस्पताल, र प्रयोगशाला ल्यावको व्यवस्था नभएको हुनाले समस्या भएको बताउनु भयो ।
यस्तै अहिले देशको विभिन्न जिल्लाहरुमा भाइरल ज्वरो,डेँगु रोगको संक्रमण बढिरहेको बेला डेँगुको परिक्षण नभए पनि डेँगुको लक्षणको आधारमा अन्य ठाउँमा रिफर गर्ने व्यवस्था गरेको र यसको नियन्त्रणका लागि परिक्षणहरु विद्यालय, समुदायमा र स्वास्थ्य चौकीमा आउने विरामीहरुमा परिक्षण दिईरहेको बताउनु भयो ।
यस वर्ष विजयनगर गाउँपालिकाकाले प्रयाप्त बजेट स्वास्थ्य क्षेत्रमा विनियोजन गरेको रभारतीय दुतावासमा जनप्रतिनिधि मार्फत एम्बुलेन्सको माग गरेका र यही वर्षदेखि विजयनगरमा एम्बुलेन्स सञ्चालनमा आउने बताउनु भयो ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया