निलो मसि 
काठमाडौँ : राष्ट्रिय मानवअधिकार आयोगले वर्तमान सरकारलाई आफ्ना मागहरू लोकतान्त्रिक विधि र प्रक्रिया अनुरूप शिष्टतापूर्वक राख्नपर्नेसहित ९ माग राखेको छ।
आयोगले मुलुकमा पछिल्लो समय विकसित घटनाक्रम र त्यसको निकास प्रयासलाई नजिकबाट नियालिरहेको जनाएको छ। आयोगले जेनजी प्रदर्शनका क्रममा मृत्यु भएकाहरूको पोष्टमार्टम, दाहसंस्कार तथा पीडित परिवारलाई राहतलगायतका कार्यमा विशेष ध्यान दिन आग्रह गरेको छ।
देश, जनता, लोकतन्त्र, मानवअधिकार र विधिको शासनलाई केन्द्रमा राखी सबै सरोकारवालाहरूको सहभागितामा आगामी कार्यहरू अगाडि बढाउन आग्रह गरिएको छ।
आयोगले अन्योलपूर्ण अवस्थालाई तात्विक निष्कर्षमा पुर्याउन धैर्य र संयमतापूर्वक अगाडि बढ्न पनि सरकारसँग आह्वान गरेको छ।
आयोगले आफ्ना अभिव्यक्तिहरू सार्वजनिक गर्दा अरूको अधिकारको सम्मान गर्दै शिष्टता र नम्रतापूर्वक सम्प्रेषण गर्न तथा द्वन्द्व र हिंसालाई प्रश्रय दिने अभिव्यक्ति नदिन, आफ्ना मागहरू लोकतान्त्रिक विधि र प्रक्रियाअनुरूप शिष्टतापूर्वक राख्न माग गरेको छ।
विकसित परिस्थितिमा आमसर्वसाधारणको मानव अधिकारको उपभोगमा आइपर्ने अवरोधहरूको पहिचान गरी त्यस्ता अवरोधहरू हटाउन प्रभावकारी कार्य गर्न पनि आयोगको माग छ।
सङ्कटको अवस्थामा हुन सक्ने कालोबजारी र कृत्रिम अभावलाई नियन्त्रण गरी दैनिक उपभोग्य सामग्री र सेवालाई सुचारू रूपले सञ्चालन गर्न तथा नागरिकहरूको आवतजावतलाई सहज बनाउन पनि आयोगले अनुरोध गरेको छ।
‘प्रदर्शनका क्रममा भएका आगजनी र तोडफोडबाट भएको क्षतिको विवरण सङ्कलन गरी भौतिक पूनर्निर्माण र सेवाप्रवाहमा जोड दिन, सङ्कटपूर्ण अवस्थालाई सामान्यीकरण गर्न सबै संघसंस्था र नागरिक समाजले जिम्मेवार नागरिकको आफ्नो दायित्व पूरा गर्न आह्वान गर्दछौँ,’आह्वानपत्रमा उल्लेख छ। थाहा खबर
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया