निलो मसि 
पर्वत : कास्कीको पोखरा महानगरपालिकाले अनधिकृत रूपमा काटिएका ऐतिहासिक चौतारीका पुराना वरपीपललगायत रुखका दाउराहरू जफत गरेको छ।
अनधिकृत रूपमा कटान गरी नेपाल ट्रस्टको जग्गामा राखिएका काठदाउराहरु बुधवार नियन्त्रणमा लिएर सुरक्षित स्थलमा राखिएको छ। अनुमति नै नलिएर मानव सेवा फाउन्डेसनको नाममा पोखराका नाममा महिनौँ दिन लामो कोटी होम गर्नका लागि ती काठजन्य सामग्रीहरू जोहो गरेको पाइएको पोखरा महानगरपालिकाको कार्यालयले बताएको छ।
ऐतिहासिक चौतारीहरू मासेर गर्न लागिएको उक्त कोटी होम राज्यको कुनै पनि निकायबाट अनुमति नलिइएको र नगर क्षेत्रका रुखहरू कटान गर्ने सन्दर्भ समेत महानगरपालिकाबाट अनुमति नलिइएको पाइएको थियो। जथाभाबी रूपमा चौतारीका वर पीपल सहित अन्य रुखका दाउराहरू पनि काटेको पाइएपछि महानगरीय प्रहरी बलका प्रमुख नगर प्रहरी निरीक्षक पुरुषोत्तम थापाको नेतृत्वमा पुगेको टोलीले सय टन बढी काठदाउराहरु नियन्त्रणमा लिएको हो।
पोखरा महानगरपालिकाले काठ दाउरा जफत गर्नु पूर्व नै पोखरामा हुने भनिएको कोटि होम गर्न नदिने घोषणा गरिसकेको छ। महानगरपालिकाका प्रमुख धनराज आचार्यले पर्यटकीय सहर पोखरामा महिनौँ दिन लामो कोटी होम गरेर धूवाँमय आकाश बनाउने र मनपरी तरिकाले काठ काट्ने कुरा स्वीकार्य नभएको बताएका थिए।
फेवाताल रहेको लेक साइडको क्षेत्रमा जुन बेलामा पर्यटकहरूको आगमन हुने त्यही बेलामा उडान समेत प्रभावित हुने गरी प्रदूषित आकाश बनाउने कुरा पोखराका लागि उपयुक्त नहुने उनको भनाइ थियो।
फेवाताल नजिक हुने भनेको कोटी होम रोकिँदा आयोजना हुन लागेका दुई वटा महायज्ञ भने सञ्चालन हुने छन्। पुम्दीकोटमा फागुन सात गतेदेखि १५ सम्म सराङकोटमा १४ देखि २१ गतेसम्म महायज्ञ आयोजना हुँदै छन्।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया