निलो मसि 
काठमाडौं : आर्थिक अनियमिततामा मुछिएपछि सार्वजनिक लेखा समितिका सभापति ऋषिकेश पोखरेलले स्वकीय सचिव अनिलकुमार पोखरेललाई जिम्मेवारीबाट हटाएका छन्। उनले आज स्वकीय सचिवलाई जिम्मेवारीबाट हटाएको संसद सचिवालयलाई जानकारी दिएका हुन्।
उनले विभिन्न आरोपहरूको अनुसन्धानमा सहयोग पुगोस् भन्ने उद्देश्यले जिम्मेवारीबाट हटाएको बताएका छन्।
‘मेरो स्वकीय सचिवको रुपमा कार्यरत अनिल कुमार पोखरेललाई उच्च अदालत मोरङबाट पक्राउ पुर्जी जारी भएको भन्ने विभिन्न मिडियामा प्रकाशित समाचार प्रति मेरो गम्भीर ध्यानाकर्षण भएको छ,’पोखरेलले संसद सचिवालयमा लेखेको पत्रमा भनिएको छ,‘निज माथि लगाएका विभिन्न आरोपहरूको अनुसन्धानमा सहयोग पुगोस् भन्ने उद्देश्यका साथ मेरो स्वकीय सचिवको जिम्मेवारीबाट आजैको मितिदेखि लागु हुनेगरी निष्काशन गरेको ब्यहोरा अनुरोध गर्दछु, भ्रष्टाचारजन्य क्रियाकलापमा संलग्न जो कोहि माथि निष्पक्ष छानबिन र दोषी उपर कडा कारबाही हुनुपर्दछ भन्ने मेरो मान्यता रहेको समेत प्रष्ट गर्न चाहन्छु।’
एमबीबीएस परीक्षामा नाम निकालिदिने भन्दै अनिलले लाखौँ रकम लिएको बाहिरिएको थियो।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया