निलो मसि 
काठमाडौंँ: सरकारले कृषि क्षेत्रको जुनसुकै विद्यामा उद्यम गर्न चाहनेलाई यस प्रणालीमा आबद्ध गरी पाइलट प्रोजेक्ट सुरु गर्ने नीति लिएको छ।
संघीय संसदको संयुक्त बैठकमा आगामी आर्थिक वर्ष २०८२।८३ को नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले कृषिमा युवालाई आकर्षित गर्न भूमि कृषि सामग्री, वीमा, खरिद सम्झौता र बजारको बलियो इको सिस्टम कायम गरिने उल्लेख गरे ।
निर्वाहमुखी कृषिलाई आधुनिक र व्यवसायीक बनाउँदै कृषि उपजमा देशलाई आत्मनिर्भर तुल्याउन यान्त्रिकीकरण तथा विशिष्टीकरण गरिने नीति सरकारले लिएको उनले सुनाए ।
‘भूमि बैंकमार्फत जमिनको उपलब्धता सुनिश्चित गर्दै परियोजनालाई नै धितोमा राखी स्थानीय वित्तीय संस्थामार्फत वित्तीय र अन्य सामग्रीको व्यवस्था गरिनेछ, राष्ट्रपति पौडेलले भने ‘परियोजना वीमा मार्फत आकस्मिक क्षति रक्षा, समर्थन मूल्यमा आधारित अग्रिम कृषि उपज खरिद सम्झौता गरि व्यवसायीक जोखिमको सम्बोधन र बजारको सुनिश्चितता गरिनेछ।’
प्रमुख बाली, पशुपन्छी र मत्स्य क्षेत्र लक्षित कार्यक्रममार्फत कृषि उत्पादन तथा उत्पादकत्व बृद्धि, खाद्य सुरक्षा र कृषकको आम्दानी बृद्धि गरिने सरकारको नीति तथा कार्यक्रममा उल्लेख छ । थाहा खबर
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया