निलो मसि 
पाल्पा : पाल्पामा विगतका भन्दा राहदानी बनाउने संख्या बढेको हो। गत आवमा ८ हजार ७७ जनाले राहदानी बनाएको पाल्पाका प्रमुख जिल्ला अधिकारी तोयनारायण सुवेदीले बताए।
२०६२ सालयता पाल्पामा ३४ हजार ५०० जनाले राहदानी बनाएका छन्। जिल्ला प्रशासन कार्यालय पाल्पाबाट गत आवमा १४ हजार ९०३ नागरिकता जारी भए। वंशजको किसिमले नागरिकता लिएका हुन्। ५ हजार ३०६ जनाले प्रतिलिपि लिएका छन्।
१२ जनालाई वैवाहिक अंगीकृत नागरिकता जारी गरिएको प्रजिअ सुवेदीले बताए। १७ जनाले गैरआवासीय नागरिकता लिएका छन्।
पाल्पाका बासिन्दाले पनि नेपाली नागरिकता त्याग्न थालेका छन्। गत आर्थिक वर्षमा १७ जनाले नेपाली नागरिकता त्यागेका हुन्। यसअघि ३१ जनाले नागरिकता त्यागेको जिल्ला प्रशासन कार्यालय पाल्पाका अधिकृत दिनेश ज्ञवालीले बताए।
उनका अनुसार पछिल्लो विवरणअनुसार २ वर्षमा ४८ जनाले नेपाली नागरिकता त्यागेका छन्।
आव २०८०।०८१ मा सबैभन्दा बढी अमेरिका गएका १३ जनाले नागरिकता त्यागेका छन्। यसैगरी हङकङ गएका १, बेलायत ६, अष्ट्रेलिया ५, क्यानडा ४, जर्मनी १ र नर्वे गएका १ जनाले नागरिकता त्यागेका ज्ञवालीले बताए।
आव २०८१।०८२ मा अमेरिका ८, बेलायत ३, अष्ट्रेलिया ३, इटाली १, भारत १, हङकङ गएका १ जनाले नेपाली नागरिकता त्यागेको उनले बताए।
२५५ जनालाई नाबालक परिचयपत्र जारी गरिएको छ। आव २०८१।०८२ मा ५ करोड ४३ लाख १९ हजार ६५६ रुपैयाँ राजस्व संकलन भएको छ।
राहदानीबाट ४ करोड ८३ लाख ४३ हजार रुपैयाँ राजस्व प्राप्त भएको प्रमुख जिल्ला अधिकारीले बताए। थाहा खबर
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया