निलो मसि 
काठमाडौं : चीनको अग्रणी अटोमोबाइल निर्माता कम्पनी डोङफेङ मोटर ग्रुपले आफ्नो इलेक्ट्रिक भेहिकल ब्रान्ड भोया अटोमोबाइलमा ठूलो लगानी गर्ने घोषणा गरेको छ।
डोङफेङ र भोयाबीच सम्पन्न पुँजीवृद्धि सम्झौताअनुसार हुने यस लगानीमा डोङफेङको सहायक कम्पनी डोङफेङ एसेट म्यानेजमेन्ट ९डीएफएएम०ले भोयामा करिब १३७ मिलियन अमेरिकी डलर लगानी गर्नेछ। यसले भोयालाई ईभी स्पेसमा आफ्नो गाडी, प्रविधि र प्रदर्शनलाई अझै सुधार गर्न मद्दत गर्नेछ।
पुँजीवृद्धि सम्झौतापछि भोया अटोमोबाइलको स्वामित्व संरचनामा केही फेरबदल हुनेछ। लगानीपछि डोङफेङ मोटर ग्रुपले भोयाको ७९।६९ प्रतिशत स्वामित्व पाउनेछ। डीएफएएमको ३।३० प्रतिशत हिस्सा हुनेछ र बाँकी १७।०१ प्रतिशत अरू सेयरधनीले राख्नेछन्। यसरी डोङफेङले भोयामा नियन्त्रण कायम राख्दै विश्वसनीय साझेदारहरूसँग मिलेर विकास कार्यलाई अघि बढाउनेछ।
भोया, डोङफेङ मोटर ग्रुपको प्रिमियम इलेक्ट्रिक गाडी ब्रान्ड हो। स्मार्ट र वातावरणमैत्री गाडीहरूका साथ बजारमा प्रवेश गरेको भोयाले आजका ग्राहकका लागि आधुनिक गाडी उपलब्ध गराउने लक्ष्य राखेको छ। विश्वभर इलेक्ट्रिक गाडीको माग बढ्दै गएका कारण भोया, डोङफेङको भविष्यको योजनामा महत्वपूर्ण हिस्सा हुनेछ।
यो नयाँ लगानीले भोयालाई बजारमा अझ बलियो बनाउन सहयोग गर्नेछ। नयाँ पूँजीलाई अनुसन्धान र विकास आर एन्ड डी, उत्पादन वृद्धि, गाडीको गुणस्तर सुधारका साथै अन्तर्राष्ट्रिय बजारमा विस्तार गर्नका लागि प्रयोग गर्न सकिनेछ। यसले भोयालाई अन्य ठूला इलेक्ट्रिक भेहिकल ब्रान्डहरूसँग प्रतिस्पर्धा गर्न पनि मद्दत गर्नेछ।
डोङफेङका लागि यो लगानी केवल आम्दानी वा सेयरको कुरा मात्र होइन, भविष्यमा ग्रीन र स्मार्ट यातायात प्रणालीमा प्रभावशाली सेयरधनीका रूपमा नेतृत्व गर्ने लक्ष्यतर्फको कदम पनि हो। डोङफेङले सर्वसाधारणका लागि भविष्यको ग्रीन मोबिलिटी र स्मार्ट यातायात प्रणालीतर्फको रूपान्तरणमा अग्रणी भूमिका खेल्ने लक्ष्य राखेको छ। भोयामा गरिएको हालको यो लगानी नवीनता र दिगोपनमा गरिएको लगानीको उदाहरण मात्र हो।
पछिल्ला केही वर्षमा विश्वव्यापी अटोमोबाइल उद्योग द्रुत गतिमा परिवर्तन हुँदै आएको छ। ग्राहकहरू वातावरणमैत्री गाडी रोज्न थालेका छन्, र विभिन्न सरकारहरूका नीति नियमहरूले पनि यसलाई समर्थन गरेका छन्। डोङफेङजस्ता ठूला कम्पनीहरूले भविष्यको आवश्यकताअनुसार आफ्नो रणनीति परिवर्तन गर्दै आएका छन्। यो नयाँ पूँजीवृद्धिले डोङफेङलाई भविष्यको गाडी बजारमा अझ मजबुत बनाउन मद्दत गर्नेछ।
यो लगानीले डोङफेङको भोयामाथिको भरोसा र यस ब्रान्डले भविष्यमा विद्युतीय यातायातमा प्रमुख स्थान हासिल गर्ने विश्वासलाई देखाउँछ। भोयाको विकास र वित्तीय सहयोगसँगै, उपभोक्ताहरूले निकट भविष्यमा अझ स्मार्ट, भरपर्दो र वातावरणमैत्री सवारीसाधनको अपेक्षा गर्न सक्छन्। थाहा खबर
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया