निलो मसि 
कृष्णनगर, २८ बैशाख ।
नेपाल प्रहरी अन्तर्गत जिल्ला प्रहरी कार्यालय कपिलवस्तुले भारतबाट नेपालतर्फ भन्सार छली गरी ल्याइएका अवैध सामान तथा कुखुरा बरामद गरेको छ ।
जिल्लाका विभिन्न स्थानमा गरेको कारवाहीका क्रममा करिब रु. २ लाख १५ हजार ३ सय ५० बराबरका सामान तथा मोटरसाइकल बरामद गरेको जनाएको छ ।
कपिलवस्तु नगरपालिका-१ बैरी चोकबाट भन्सार छली गरी मोटरसाइकलमा ल्याइँदै गरेको विभिन्न किराना सामान, चियापत्ती, गोल्डी मसला र विभिन्न किसिमका चकलेट गरी रु. २२ हजार २ सय बराबरका सामान बरामद गरिएको प्रहरीले जनाएको छ । प्रहरी टोलीलाई देखेपछि सामान ल्याउने व्यक्ति मोटरसाइकलसहित फरार भएका थिए ।
त्यसैगरी, कृष्णनगर नगरपालिका-१२ हरियावाबाट भारतबाट नेपालतर्फ ल्याइँदै गरिएको ६६ ओटा ब्रोइलर कुखुरा र मोटरसाइकलसहित रु. १ लाख ७७ हजार ७ सय ५० बराबरको सामान बरामद गरिएको छ । बरामद गरिएको कुखुरा स्थानीय भद्रभलाद्मी तथा पत्रकारको रोहबरमा नष्ट गरिएको प्रहरीले जनाएको छ ।
यस्तै, बाणगंगा नगरपालिका-८ लक्ष्मणघाटबाट विभिन्न किराना सामान, चियापत्ती, चिनी र जिरा मसला गरी रु. १५ हजार ४ सय बराबरका सामान बरामद गरिएको जिल्ला प्रहरी कार्यालयले जनाएको छ । प्रहरी टोलीलाई देखेपछि सामान ल्याउने व्यक्ति मोटरसाइकल छोडेर फरार भएका थिए ।
बरामद गरिएका सामान तथा मोटरसाइकल आवश्यक कारबाहीका लागि भन्सार कार्यालय पठाउने तयारी भइरहेको प्रहरीले जनाएको छ ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि धडकन“ अडियो गीत सार्वजनिक भएको छ । एस एम मिडिया नेपालद्वारा आइतबार सार्वजनिक गरिएको हो । जसको लिरिक्स एमप र राजेन्द्र चौधरीले गरेका छन् भने एरेन्जर गणेश चौधरीले रहेका छन् । यस्तै शब्द संगित सरगम […]
प्रतिक्रिया