भुपाल थापा 
काठमाडौँ । नोबले कोरोना भाइरस (कोभिड १९) का कारण बिभिन्न मुलुकमा अलपत्र परेका नेपालीको उद्धारमा सरकारले गम्भीर त्रुटि गर्दा काठमाडौँ उपत्यका लगायत बिभिन्न स्थानमा कोरोनाको सङ्क्रमण बढेको पाइएको छ ।
सरकारले विदेशमा अलपत्र परेका नेपालीको उद्धार गर्ने निर्णय गरे पनि उनीहरुलाई नेपाल ल्याउँदा सावधानी नअपनाइएका कारण स्वस्थ रहेका नेपालीमा पनि कोरोना फैलिएको सरकार मातहतका निकायले निष्कर्ष निकालेका छन् ।
हालसम्म उद्धार गरी ल्याइएका १७ हजार मध्ये ३५ प्रतिशतले मात्रै सम्बन्धित मुलुकमा पीसीआर जाँच गरी कोरोना नभएको रिपार्ट ल्याएका थिए ।
आरडीटी रिपोर्ट ल्याएर आउनेको सङ्ख्या पनि ३५ प्रतिशत छ भने बाँकीले ‘आजका मितिसम्म कोरोनाको लक्षण देखिएको छैन’ भन्ने कागज बनाएर नेपाल आएका थिए । सरकारले तीनवटै अवस्थाका नेपालीको उद्धारलाई तीव्रता दिएको छ ।
तीनै प्रकारका नेपालीलाई उद्धार गरेर एकै विमानमा ल्याउनुपर्ने अवस्था र उनीहरूको जाँच उपत्यकाका बिभिन्न ल्याबमा गरेका कारण पनि काठमाडौँमा सङ्क्रमितको संख्या धेरै देखिएको हो ।
यसबाट समुदायमा सङ्क्रमण फैलिने जोखिम बढेको स्वास्थ्य मन्त्रालय मातहतको इपिडिमियोलोजी तथा रोग नियन्त्रण महाशाखाका निर्देशक डा बासुदेव पाण्डेले सीआईएनसँग बताउनुभयो ।
बिदेशमा अलपत्र नेपालीको उद्धार गरी उनीहरूलाई सुरुमा काठमाडौँका बिभिन्न होल्डिङ सेन्टर अर्थात आराम केन्द्रहरूमा राख्ने गरिएको छ । कतार, कुवेत, साउदीअरेबियालगायत खाडी मुलुकबाट आउनेहरूले पीसीआर, आरडीटी जाँचको रिपोर्ट र कोरोनाको लक्षण देखिएको कागजात ल्याउने गरेका छन् ।
स्थानीयस्तरमा कोरोनाको सङ्क्रमण देखिन थालेपछि महाशाखाले टोखा, भक्तपुर, शंखमूल, गंगालाल, स्टार अस्पताल लगायत ५ स्थानबाट नमूना सङ्कलन गरी जाँच गरीरहेको छ ।
त्यसमध्ये नख्खुटोल र तीनकुने क्षेत्रबाट सङ्कलन गरिएको २ सय २८ नमूनामा कोरोना देखिएको छैन । कपन, हरिसिद्धी, चाँगुनारायणलगायतका ७ क्षेत्रबाट पनि अबको २ दिनभित्रमा नमूना सङ्कलन गरिने महाशाखाले जनाएको छ ।
समुदायस्तरमा कोरोना फैलनबाट जोगाउनका लागि नागरिक र सरोकारवाला संस्थाको पनि दायित्व भएको इपिडिमियोलोजी तथा रोग नियन्त्रण महाशाखाका निर्देशक पाण्डेले बताउनुभयो ।
डाइलाइसिस गराइरहेका, क्यान्सरका बिरामी, यातायात, मालपोत, बैँक लगायतका क्षेत्रबाट गरी मुलुकभरमा ४५ हजार नमूना सङ्कलन गर्ने तयारी सरकारको छ ।
जनस्वास्थ्यविज्ञ डा रविन्द्र पाण्डेले भने सरकारले सावधानी नअपनाउँदा काठमाडौँ उपत्यकामा कोरोनाको सङ्क्रमण समुदायमा पुग्ने अवस्था आएको बताउनुभयो । सीआईएनसँग कुराकानी गर्दै डा पाण्डेले काठमाडौँ उपत्यकामा प्रवेशमा अझ कडाइ गर्न सरकारलाई सुझाव दिनुभयो ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया