भुपाल थापा 
काठमाडौं । आजदेखि लगातार ३ दिन ठुलो पानी पर्ने भएको छ । न्यून चापीय रेखा नजिक भएसँगै नेपालमा वर्षाको मात्रा बढ्दै गएको हो ।
मौसमविद् राजु प्रधानांगका अनुसार पहिले गरिएको अनुमान अनुसारै गयरातिदेखि वर्षाको मात्रा बढ्दै गएको हो।
उहाँका अनुसार हिजो प्रदेश १ का धेरै स्थानमा वर्षा भएको छ भने त्यहाँका एक–दुई ठाउँमा भारी वर्षासमेत भएको छ। यस्तै गण्डकी, सुदूरपश्चिम प्रदेशमा पनि वर्षा भएको छ।
हुम्लातिर पनि वर्षा सुरु भएको छ,। आजदेखि वर्षाको मात्रा अझ बढ्ने मौसमविद्ले अनुमान गरेका छन्। मौसम पूर्वानुमान महाशाखाले जारी गरेको मौसम पूर्वानुमान बुलेटिनअनुसार आज सातै प्रदेशका विभिन्न स्थानमा भारी वर्षा हुने सम्भावना छ।
‘दिउँसो देशभर अधिकांश स्थानमा बदली रही धेरै स्थानमा हल्कादेखि मध्यम वर्षाको सम्भावना छ,’ बुलेटिनमा भनिएको छ,। प्रदेश १, २, बागमती, गण्डकी र प्रदेश ५ का थोरै स्थानमा तथा कर्णाली र सुदूरपश्चिम प्रदेशका एक वा दुई स्थानमा मेघगर्जन÷चट्याङसहित भारी वर्षाको सम्भावना छ।’
यसैगरी राति पनि देशभर अधिकांश बदली रही धेरै स्थानमा हल्कादेखि मध्यम वर्षाको सम्भावना छ। भोली र पर्सी वर्षा अझ बढ्ने अनुमान गरिएको छ।
यसैविच, अहिले कैलाली र कञ्चनपुरका धेरै स्थानमा भारी वर्षा भइरहेको छ । स्थानीय नदीमा बाढी आउन सक्ने भन्दै त्यहाँका बासिन्दालाई सतर्कता अपनाउन बाढी पूर्वानुमान महाशाखाले जनाएको छ।
महाशाखाले आफ्नो ट्विटरमार्फत सूचना जारी गरीे कान्द्रा, मोहना, घुराहा, खुट्टिया, स्याउली, चौधरलगायत साना नदीमा सतर्कता आसपासको बाढी आउन सक्ने भन्दै सतर्क रहन आग्रह गरेको छ ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया