निलो मसि 
दिपक के.सी. माघ ६, कपिलवस्तु
कपिलवस्तु शिवराज नगरपालिका उप प्रमुख शिवकुमारी थारुले महिलाहरु चुलो चौको र घरधन्दामा मात्रै सिमिति नभइ नेतृत्व तहमा आउनु पर्ने बताउनु भएको छ । महिलाहरुको सिप र क्षमताको विकास गर्दै घर भन्दा बाहिर नेतृत्व गर्न सक्ने बन्नु पर्नेमा उहाँ जोड दिनु भएको थियो । महिलाहरुको क्षमता विकास तथा ससक्तिकरण कार्यक्रमको समापनमा बोल्दै उप प्रमुख थारुले यस्तो बताउनु भएको हो । शिवराज नगरपालिका वडा नं. ५को आर्थिक सहयोग र दियालो नेपालको आयोजनामा संचालित कार्यक्रमको समापनमा बोल्दै सिकेका कुरालाई व्यवहारमा प्रयोग गर्न सके महिलाहरु शसक्त बन्न सकिने उप प्रमुख थारुले बताउनु भयो । नेतृत्व तह सम्म पुग्न आफ्नो कुरा अरु समक्ष राख्न , आफ्नो अधिकारको प्रयोग र कर्तव्य पालन गर्दै सामाजिक काममा पनि महिलाहरु अग्र भागमा आउनु पर्ने उहाँले बताउनु भयो । नगरले महिलाहरुको सिप विकासमा जोड दिदै उद्यमशिलतालाई पनि जोड दिएको उहाँले बताउनु भयो । यस आर्थिक बर्षमा सामाजिक विकास अन्तर्गत महिलाको व्यवसायिक क्षमता बढाउन ,अचार बनाउने तालिम, सिलाइकटाई जस्ता तालिमहरु समेत रहेको उप प्रमुख थारुले बताउनु भयो । कार्यक्रमलाई सम्बोधन गर्दै वडा नं. ५का अध्यक्ष अर्जुन बहादुर पाण्डेले वडाले सामाजिक विकास अन्र्तगत वडा भित्रका महिलाहरुको क्षमता अभिवृद्धी गर्न कार्यक्रम ल्याएको जनाउनु भयो । भौतिक विकास मात्रै विकास नभएर सामाजिक विकास पनि हुनु पर्ने र त्यसका लागी महिलाहरु शसक्तिकरण हुनु पर्ने अध्यक्ष पाण्डेले बताउनु भयो । वडाका महिलाहरुको क्षमता वृद्धि गर्न यस्ता कार्यक्रमहरुले महत्वपूर्ण भूमिका खेल्ने समेत उहाँले बताउनु भयो । ३ दिन सम्म संचालन भएको कार्यक्रममा वडाका ४० जना महिलाहरुको सहभागिता रहेको थियो । कार्यक्रमको सहजकर्ता अधिकार कर्मी मिना परियारले कार्यक्रम भरी महिला अधिकार, नेतृत्व विकास सम्बन्धी सहभागिलाई जानकारी दिनु भएको थियो । कार्यक्रममा व्यवस्थापक चन्द्र पोखरेलको अध्यक्षता, नगर उप प्रमुख शिवकुमारी थारुको प्रमुख आथित्यता र वडा अध्यक्ष अर्जुन बहादुर पाण्डेको बिशिष्ट आथित्यता रहेको थियो । कार्यक्रमको संचालन मिना परियारले गर्नु भएको थियो ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया