भुपाल थापा 
अमेरिकाले चीनलाई फेरि चेतावनी दिएको छ । अमेरिकी राष्ट्रपति डोलान्ड ट्रम्पले कोरोना भाइरस महामारीका लागि चीन जिम्मेवार देखिए उसले त्यसको परिणाम भोग्नुपर्ने भन्दै चेतावनी दिएका हुन् ।
नियमित पत्रकार सम्मेलनमा शनिबार ट्रम्पले भने, ‘यदी त्यो गल्ती थियो, त्यो गल्ती हो । तर, उनीहरू यसबारेमा जानकार थिए भने त्यसको परिणाम भोग्नुपर्नेछ’ ।
कोरोना भाइरसको महामारी ‘भूलवश’ नियन्त्रण बाहिर गएको थियो वा जानाजान गरिएको थियो’ भन्ने अहिलेको मूल प्रश्न रहेको उनको भनाइ छ ।
अमेरिकी टेलिभिजन फक्स न्यूजले यसै साता चीनले भाइरसको क्षमता र त्यससँग लड्नसक्ने आफ्नो क्षमता परीक्षण गर्न भाइरस फैलाएको रिपोर्ट प्रसारण गरेको सन्दर्भलाई लिएर ट्रम्पले यस्तो बताएका हुन् ।
आफूहरु कोरोना भाइरस चीनको प्रयोगशालाबाट फैलाइएको हो/होइन भन्ने विषयको खोजी लागेको पनि ट्रम्पले बताए ।
बेलायतले चीनले कोरोना भाइरससम्बन्धी ‘कडा प्रश्नहरूको सामना गर्नुपर्ने’ बताएलगत्तै ट्रम्पले पनि उस्तै आशयको धारणा सार्वजनिक गरेका हुन् ।
कोरोना भाइरसका बारेमा पारदर्शी नभएको भन्दै ट्रम्प र उनको प्रशासनले चीनको आलोचना गर्दै आएका छन् । डब्लूएचओसमेत चीनको पक्षपाती भएको भन्दै ट्रम्पले अमेरिकाले दिँदै आएको सहयोग नै रोकिदिएका छन् ।
कोरोनालाई चिनियाँ भाइरस भन्दै आएका ट्रम्पले बीचमा फेरि भाइरसविरुद्धको चिनियाँ प्रयासको प्रशंसासमेत गरेका थिए । उनले चीनबाटै कोरोनाविरुद्धको स्वास्थ्य सामग्रीसमेत लगिरहेका छन् । अहिले फेरि उनी चीनविरुद्ध आक्रामक देखिएका हुन् ।
कोरोना भाइरसको संक्रमणबाट चीनमा मृत्यु भएकाको संख्यालाई लिएरै पनि ट्रम्पले चिनियाँ गतिबिधि पारदर्शी नभएको भन्दै बारम्बार प्रश्न उठाइरहेका छन् । एजेन्सी
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया