भुपाल थापा 
काठमाडौँ । रामेछाप मन्थली ४ का प्रदिप घिमिरे पेशाले वेरोजगार हुन् । कोरोना संक्रमणको महामारीबाट जोगिनका लागि सरकारले देशभर लकडाउन गरेपछि मानिसहरु घर बाहिर निस्कन पाएका छैनन् भने दैनिक ज्यालादारी गरेर परिवार पाल्नेहरुको विचल्ली छ । लकडाउन पछि अहिले न्युन आय भएका र गरिव परिवारलाई राहत वितरण गर्नेहरुको भिड पनि लागेको छ । यीनै राहत कर्मी मध्येका एक हुन प्रदिप घिमिरे ।
मानिससँग आँट र इच्छा भए के गर्न सकिदैन भन्ने एक उदाहार पनि हुन उनी । पेशा उनको वेरोजगार हो । तर, विगत चैत १५ गतेदेखि अहोरात्र जीवन बाहेक अरु केहि नभएकाहरुको छाक टार्न व्यस्त छन उनी । त आँट म पुर्याइदिन्छु भने झै सम्पर्कमा आए जतिलाई अहिले सम्म पुर्याएका छन र लकडाउनभरी पुर्याउने आँट पनि कसेका छन् ।
हुँन त यो अभियानमा उनि एक्लै भने छैनन् । उनलाई साथ दिने सहयोगी हातहरु पनि छन् । यसैलाई संयोजन गर्दै मनकारी आफन्त एवं साथीभाई गुहारेर सकेजतिको भोक मेटाउने काममा खटिएकै छन् । काठमाडौँ उपत्यकामा ज्याला मजदुरी गरेर पेटपाल्दै आएकोहरुको साथी बनेका प्रदिपको खाना वितरणको क्षेत्र पनि धेरै जसो बजार एरियामा पर्छ । जहाँ नाम्लो देखि नाङलोमा पालिएकहरु भटिन्छन्, जो लकडाउनबाट सवैभन्दा पिडित हुन् ।
प्रधानमन्त्री केपी शर्मा ओलीले एकसाता अघिनै ७० करोड माथिको राहत वितरण भइसकेको बताएका थिए । तर, प्रदिपले खाना खुवाउनेहरुले अहिले सम्म प्रधानमन्त्रीको राहत पाएका छैनन् । यसले सरकारले न्यून आय भएका परिवार र दैनिक ज्यालादारीमा काम गर्नेहरुका लागि भनेर राहत दिएपनि त्यो व्यवस्थित नभएको देखाउँछ । शुक्रवार नेपाली रेडियो नेटवर्कको सम्पर्कमा आएका उनीसँग मैले केहिवेर भलाकुसारी पनि गरे जुन सार्वजनिक भइसकेको छ ।
प्रदिप भन्छन्,‘चैत्र १५ गते राती गोकर्णमा रहेको राष्ट्रिय अपाङ्गता एकता केन्द्रमा नामक संस्थाबाट फोन आयो । ४८ जना बच्चाहरु तीदिनदेखि भोकै छन् भन्ने खबर पाएपछि साथीहरुसँंग सल्लाह गरेर हामीले १६ गते ४० हजार लगेर छाड्यौ । फेरी १९ गते काठमाडौँको जोरपाटी अत्तरखेलमा रहेको बालबालिका महिला तथा शिक्षा सहयोगी पाउण्डेशन र भोली पल्ट भक्तपुरका गलैँचा मजदुर सम्म पुग्यौ’।
उनले भने, पैसा र चामलले मात्रै भोको पेट नभरिने रहेछ । प्रस्ताव त्यस्तै आयो,‘ चामल हैन हामीलाई भात खुवाउनुस’। खाना खुवाउन त्यति सहज थिएन । त्यैपनि आसा र आँट बोकेर सल्लाहका लागि उनी तत्कालिन काठमाडौँ प्रहरी परिसर प्रमुख उत्तम सुवेदी (हाल डिआइजी) कहाँ पुगे ।
प्रदिप भन्छन्,‘सल्लाहपछि सहमति भयो र हामीले चैत्र २८ देखि खानादिन थाल्यौ । गरिहरुलाई खुवाउछौ । सुरुमै ६ हजार ३ सय घरपरिवारलाई राहत वितरण गरिसकेका थियौँ । सुरुमा आफु साथीभाई र पछि आफन्त र मनकारीहरुको सहयोग पनि मिल्न थालेको छ । कतिपयले जन्म दिनका लागि खाना खुवाउने पालो माग्छन् त कति म पनि सहयोग गर्छु भन्छन्, यसरी नै चलेको छ’ ।
उनले अहिले सम्म सुरुदेखि खुवाउदै आएकाहरुलाई नछुटाएको र नयाँ पनि थपिदै गएको बताए । यसका लागि चैत २५ गते सम्ममा १५ लाखमाथि खर्च भएको छ । उनले दिनदिनैको हिसाव पनि राखेका छन् । मनकारीहरुको पनि फेहरिस्त छ । लकडाउन खुलेको भोलीपल्टै सवै हिसाव सार्वजनिक गर्ने प्रतिपसँग लकडाउनभरी यसलाई निरन्तरता दिने आँट पनि छ । उनले भने कोही मनकारी भए—९८४११४१४६८ मा सम्पर्क गर्न सकिन्छ ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया