भुपाल थापा 
काठमाडौँ । नेकपाको स्थायी कमिटी बैठकमा पूर्वप्रधानमन्त्री एवं वरिष्ठ नेता माधवकुमार नेपालले वितरण गरेको कोरोना भगाउने कार्डमा रेकर्डर चिप्स राखिएको आशंका गरिएको छ । वैठकमा भाइरस भगाउने कार्ड अनिवार्य गरिएपछि नेकपाको आलोचनासहित विभिन्न अड्कलवाजी सुरु भएका छन् ।
तर पार्टीका स्थायी समिति सदस्य तथा पूर्व विज्ञान प्रविधि मन्त्री गणेश शाहले भने कार्डभित्र रेकर्डर चिप्स राखिएको आशंका अनाबश्यक भएको बताउनुभयो । नेपाली रेडियो नेटवर्कको नेपाली बहसमा पत्रकार ऋषि धमलासँग कुरागर्दै शाहले कार्डमा कुनै वैदिक जडिबुटी हुनसक्ने बताउनुभयो ।
विकास तथा प्रविधि समिति सभापति एवं नेकपा सांसद कल्याणी खड्काका छोराले उक्त कार्ड सांसदहरूलाई बिक्री गरेको नेताहरुले जानकारी दिएका छन् । यसका लागि प्रति कार्ड ७ सय रुपैयाँ तिर्नुपर्ने छ ।
शाहले कोराना संक्रमण नहुने विश्वासका आधारमा सवै नेकपा सांसद र नेताहरुले प्रयोग गरेको दावी गर्नुभयो । समिति सभापति खड्काका छोराले विगतमा पोखरामा होटल व्यवसाय गर्दै आएको र लकडाउन भएपछि चीनबाट यस्तै सामान ल्याएर बेचिरहेको बताइएको छ ।
केही सांसदहरूलाई सित्तैमा कार्ड दिएको र केहीले बजारमा ७ देखि ९ सय रुपैयाँमा खरिद गरेको बताएका छन् । उक्त कार्ड नेकपाका वरिष्ठ नेता माधवकुमार नेपालले स्थायी कमिटीमा वितरण गर्नुभएको हो । नेता नेपालले व्यक्तिगत खर्चमा नै वितरण गरिरहेको बताइएको छ ।
नेता शाहले सीमाका विषयमा धेरै कुरा सवैलाई थाहा भएकाले प्रधानमन्त्री केपी शर्मा ओली हिजोको वैठकमा नआएको बताउनुभयो । उहाँले वैठकमा भूमि फिर्ता ल्याउन र भारतसँग वार्ता गरी कालापानीबाट भारतीय सेना फिर्ता गर्ने विषयमा कूटनीतिक वार्ता गर्नुपर्ने विषयमा छलफलभएको जानकारी दिनुभयो ।
उहाँले भन्नुभयो,‘सीमाका विषयमा नेपालले पहल गर्नुपर्छ र सवै च्यानलहरु प्रयोग गर्नुपर्छ । वैठक अब बालुवाटारमा गर्नुहुदैन । सचिवालयले यस्तो गर्न मिल्दैन । बालुवाटारमा गर्नुपर्ने बैठक किन ? सचिवालयले जवाफ दिनुपर्छ । सवै बैठक पार्टी कार्यलयमा हुनुपर्छ ।’
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया