भुपाल थापा 
काठमाडौं । बाराका दुई छुट्टाछुट्टै स्थानमा चट्याङ लागेर चार जना महिलाको मृत्यु भएको छ । अन्य ५ जना घाइते भएका छन् ।
बिहीबार (आज) बिहान साढे सात बजेको समयमा परेको चट्याङले खेतमा धान रोपीरहेका कलैया उपमहानगरपालिका–१२ की ३५ वर्षीया आशादेवी महतो र सोही ठाउँ बस्ने ४५ वर्षीया हलिमा खातुनको मृत्यु भएको हो ।
चट्याङ लागेर गम्भीर घाइते भएकी महतो र खातुनलाई उपचारका लागि कलैया अस्पताल ल्याउँदा ल्याउँदै बाटोमा नै मृत्यु भएको जिल्ला प्रहरी कार्यालय बाराका डीएसपी गौतम मिश्रले जानकारी दिनुभयो ।
यसैगरी सोही समयमा परेको चट्याङ लागेर खेतमा धान रोपिरहेका फेटा गाउँपालिका–१ त्रिवेणीका ३० वर्षीया इन्दुदेवी महतो र ४० वर्षीया सुनरपति देवी महताको पनि मृत्यु भएको डीएसपी मिश्रले बताउनुभयो । घाइतेहरुलाई उपचारका लागि वीरगञ्ज पठाइएको प्रहरीले जनाएको छ ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया