निलो मसि 
घनश्याम भर
(विजयनगर) कपिलवस्तु, २७ पाैष ।
कपिलवस्तुकाे गाैतमबुद्ध साझेदारी बन उज्ज्वलपुरले भालुखोला र जवाबैराठ क्षेत्रमा झाडी सफाई गर्ने कार्य गरिरहेकाे छ । साझेदारी बनले ५२ हेक्टर क्षेत्रमा झाडी सफाई गर्ने याेजना रहेको जनाएको छ । गर्मीयाम आउनै लाग्दा डढेलाेकाे उच्च जाेखिमलाई मध्यनजर गर्दै नियन्त्रणकाे लागि झाडी सफाई सुरु गरिएको छ ।
लामाे समयसम्म झाडी सफाई नभएकाे क्षेत्रमा डढेलाे सम्भावित क्षेत्रमा साझेदारी बनले झाडी सफाई कार्यलाई निरन्तरता दिएको छ । बन संरक्षण, आगलागी नियन्त्रण तथा बिरुवा पुनर्उत्पादनलाई प्रभावकारी बनाउन झाडी सफाई थालिएको गाैतमबुद्ध साझेदारी बन उपभोक्ता समूहले जनाएको छ ।
बनले सुख्खा झाडी, काम नलाग्ने झाडी र अनावश्यक झार हटाउँदा आगलागीको जोखिम कम हुने, नयाँ बिरुवा उम्रन सहयोग पुग्ने तथा बनको जैविक विविधता संरक्षणमा टेवा पुग्ने साझेदारी बन उपभोक्ता समुहका अध्यक्ष प्रवेज आलम खाँले बताए । झाडी सफाइ कार्यले बन क्षेत्रको व्यवस्थापन सुधार हुने बताउँदै ६० जना स्थानीयलाई राेजगारीसमेेत सिर्जना गरेकाे उनले जनाए ।
यस्तै डिभिजन बन कार्यालय उज्ज्वलपुरका रेन्जर टोपबहादुर गुरुङले लामाे समयसम्म झाडी सफाईले नगरिएकाे बताउँदै झाडी सफाई नितान्त आवश्यक रहेको बताए । नयाँ बिरुवा उत्पादनकाे साथै साल प्रजाति, असना प्रजातिकाे बिरुवा संरक्षणमा मदत पुग्ने उनलेे बताए । यसले बनलाई दीर्घकालीन संरक्षणकाे साथै छिटै बिरुवा उम्रने र पुनर्उत्पादन हुने गुरुङले बताए ।
उपभोक्ता समूहले स्थानीय सहभागितामा चरणबद्ध रूपमा झाडी सफाइ गर्दै जाने र आगामी दिनमा बन संरक्षण सम्बन्धी अन्य कार्यक्रमसमेत सञ्चालन गर्ने जनाएको छ ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया