भुपाल थापा 
जाजरकोट । जाजरकोटको बारेकोट गाँउपालिका ४ मा गएराति गाँउभन्दा माथिबाट खसेको पहिरोले दुई घर बगाउँदा एक जनाको मृत्यु भएको छ भने ११ जना वेपत्ता भएका छन् ।
गाँउपालिकाका निमित्त प्रमुख प्रशासकीय अधिकृत गोविन्दबहादुर सिंहले दिएको जानकारी अनुसार गएराति लगातारको वर्षापछि झरेको पहिरोले गोपाल सार्की र कलु सार्र्कीको घर बगाएको हो ।
पहिरोमा पाहुना आएका सहित हराएका १२ मध्य एकजनाको शव फेला परेको छ । शवको पहिचान हुन सकेको छैन । अन्य ११ जना पहिरोमै पुरिएको शङ्का गरिएको छ । अहिलेसम्म प्रहरी घटनास्थल पुग्न सकेको छैन ।
पहिरोमा ५२ वर्षीय गोपाल सार्र्कीसहित उहाँकी श्रीमती ५० वर्षीय पुष्पा सार्र्की, १३ वर्षीय छोरी लक्ष्मी सार्र्की र ११ वर्षका छोरा अर्जुन सार्र्की वेपत्ता हुनुभएको छ ।
गोपालको घर पहिरोले पुरेको छ । ३८ वर्षीय कलु सार्र्कीसहित उहाँकी छोरीहरू १४ वर्षका तिर्खा र ११ वर्षका कमला तथा ६ वर्षका छोरा सुभास पनि वेपत्ता भएको प्रमुख प्रशासकिय अधिकृत सिंहले जानकारी दिनुभयो ।
कलु सार्की अर्थात दिदीको घरमा पाहुना आएका कुशे ९ चौताराका २० वर्षका डिल्ली सार्की, १४ वर्षीय गौरी सार्की, १६ वर्षीय कविता सार्की र १८ वर्षका वीरेन्द्र सार्र्की वेपत्ता भएको सिंहले जानकारी दिनुभयो ।
जिल्ला प्रहरी प्रमुख, डीएसपी किशोर श्रेष्ठले इलाका प्रहरी कार्यालय रामीडाँडा र अस्थायी प्रहरी चौकी लिम्साबाट प्रहरी टोली घटनास्थलतर्फ विहानै खटिएको र घटनास्थलमा पुगेको भए पनि सम्पर्क हुन नसकेको बताउनुभयो ।
सञ्चार सम्पर्क हुन नसक्दा घटनाबारे विस्तृत खवर आउन नससकेको उहाँको भनाइ छ ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया