भुपाल थापा 
यो वर्ष अघिल्ला वर्ष भन्दा छिटो रोपाइँ सकिएको छ । कृषि तथा पशुपन्छी विकास मन्त्रालयकाअनुसार असार मसान्तसम्म देशभर कुल रोपाइँयोग्य जमिनको ८१.५८ प्रतिशत भूभागमा धान रोपाइँ सम्पन्न भएको छ ।
अघिल्लो वर्ष असार मसान्तसम्म ४०.४९ प्रतिशत भूभागमा रोपाइ भएको थियो । कुल १३ लाख ७१ हजार ०६ हेक्टर रोपाइँ योग्य जमिनमध्ये ११ लाख १९ हजार ९१ हेक्टर जमिनमा रोपाइँ सकिएको मन्त्रालयका प्रवक्ता एवम् सहसचिव डा.हरिबहादुर केसीले बताउनुभयो ।
अघिल्लो वर्ष असार मसान्तसम्म ५ लाख ५५ हजार ४ सय हेक्टर क्षेत्रफलमा मात्रै रोपाइँ भएको थियो । यस वर्ष उच्च पहाडमा ७४.७६, मध्य पहाडमा ७५.१२ तथा तराईमा ८४.२१ प्रतिशत क्षेत्रफलमा रोपाइँ सकिएको मन्त्रालयले जनाएको छ ।
सुदूरपश्चिम, कर्णाली र प्रदेश ५ को रोपाइँ सकिने चरणमा पुगेको छ । सुदूरपश्चिम प्रदेशमा ९१.८६ प्रतिशत क्षेत्रमा रोपाइँ सकिएको छ ।
यस वर्ष धान रोपाइँ छिट्टै हुँदा धान उत्पादन बढ्ने आशा थप भएको कृषि तथा पशुपन्छी विकास मन्त्रालयले जनाएको छ ।
धेरै धान फल्ने एक सूचकमध्ये छिटो रोपाइँ पनि एक भएको मन्त्रालयका प्रवक्ता हरिबहादुर केसीको भनाई छ । लकडाउनका कारण शहरका मानिस गाउँ गए जाँदा कृषि चक्र समयमै चलेको कृषि विभागको भनाइ छ ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया