भुपाल थापा 
काठमाडौं । सत्तारुढ नेकपाका पूर्वमाओवादी केन्द्र तर्फका स्थायी कमिटी सदस्यहरूले विचार तय नभइ एकता महाधिवेशन सम्भव नभएको निष्कर्ष निकालेका छन् । पार्टी अध्यक्ष पुष्पकमल दाहाल प्रचण्डनिवास खुमलटारमा भएको पूर्वमाओवादी निकट स्थायी कमिटी सदस्यहरुको भेलाले यस्तो निस्तो निष्कर्ष निकालेको हो ।
पार्टीभित्र बढेको पछिल्लो विवाद र अर्का अध्यक्ष केपी शर्मा ओलीबाट मंसिरमा महाधिवेशन गर्ने प्रस्तावका बारेमा छलफल तथा परामर्शका लागि प्रचण्डले आफूनिकट स्थायी कमिटी सदस्यहरूलाई आज खुमलटार बोलाएर छलफल तथा परामर्श गर्नुभएको थियो ।
भेलामा लेखराज भट्टबाहेक पूर्वमाओवादी केन्द्र समूहका सबै स्थायी कमिटी सदस्य उपस्थित थिए । उनीहरूले पार्टी एकता बचाउन र अहिले देखिएको गतिरोधको निकास पहिलो वरीयताको अध्यक्ष भएकाले केपी ओलीले नै दिनुपर्ने निष्कर्ष पनि निकालेका छन् ।
पार्टी अध्यक्षको वरियातामा पहिलो र प्रधानमन्त्री भएकाले केपी ओलीले नै निकासका लागि पहल गर्नुपर्ने भेलामा सहभागी स्थायी कमिटी सदस्य हरिबोल गजुरेलले बताउनुभयो । उहाँले छिटोभन्दा छिटो बैठक टुंग्याएर समस्या समाधानतिर अघि बढ्नुपर्नेमा सदस्यहरुले जोड दिएको पनि बताउनुभयो ।
भेलामा सहभागी अधिकांशले एकता बचाउने, विकास गर्ने, निष्कर्षमा पु¥याउने मुख्य दायित्व ओलीकै भएको बताएको गजुरेलले बताउनुभयो । सदस्यहरूले वैचारिक कार्यदिशा तय नभइ महाधिवेशनमा जानुको औचित्य नरहेको बताएको उहाँको भनाइ छ ।
भेलामा जारी स्थायी कमिटी बैठक छिटो सक्न सुझाव दिएको बताउनुभयो । बाढी, पहिरोको प्रक्रोप बढेको, उद्धार, राहतको काममा कार्यकर्ता परिचालन गर्नुपर्ने बेलामा सधैँ बैठकमा अल्झिएर बस्न नहुने विचार अधिकांशले राखेको पनि गजुरेलको भनाइ छ ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया