भुपाल थापा 
माधव बेल्वासे,चन्द्रौटा
कपिलवस्तुमा एक वर्षको अवधिमा करदाताको संख्या बढेको छ । जिल्लाको कृष्णनगरमा रहेको आन्तरिक राजस्व कार्यालयका अनुसार गत आर्थिक वर्ष २०७६।७७ व्यक्तिगत बाहेक ४ हजार १ सय ७३ जना करदाता बढेको जनाएको छ ।
एक वर्षको अवधिमा आयकर तर्फ ४ हजार १ सय ७३,मुल्य अभिवृद्धि कर तर्फ १ हजार ४ सय ७७ र अन्तशुल्क तर्फ ६ सय ८ करदाता बढेको कार्यालय प्रमुख पुर्ण न्यौपानेले बताउनुभयो । कपिलवस्तु र अर्घाखाचि जिल्ला कार्यक्षेत्र रहेको उक्त कार्यालयमा अहिले सम्म जम्मा आयकर तर्फ २५ हजार ६ सय २६,मुल्य अभिवृद्धि कर तर्फ ३ हजार ९ सय १८,अन्त शुल्क तर्फ २ हजार ५ सय ७ करदाता रहेको कर अधिकृत गेहेन्द्र प्रसाद गिरीले बताउनुभयो । त्यस्तै गत वर्ष मात्र ८ हजार ४ सय ६९ जनाले व्यक्तिगत पान लिएका छन् । कुल व्यक्तिगत पान लिनेको सख्या २१ हजार ३ सय १३ रहेको छ । कार्यालयका प्रमुख न्यौपानेको अनुसार व्यवसाय वा रोजगारी गर्ने सबैले अनिवार्य स्थायी लेखा नम्बर लिनुपर्ने नियम लागू भएपछि सेवाग्राहीको सङ्ख्या बढेको हो ।
कार्यलयले गत आर्थिक वर्षमा लक्ष्य अनुसार राजस्व संकलन गर्न भने सकेको छैन । कोरोना भाइरसका कारण लक्ष्य अनुसार राजस्व उठाउन नसकिएको प्रमुख न्यौपानेले बताउनुभयो । लक्ष्यको ७३.८४ प्रतिशत राजस्व संकलन गरिएको उहाँले बताउनुभयो । एक वर्षको अवधिमा १ अर्ब,७९ करोड २ लाख ३० हजार राजस्व संकलन भएको छ ।गत वर्ष कर सम्वन्धि उद्योग वाणिज्य संघ तथा विभिन्न व्यापारीक निकाय सँग सहकार्य गरि छलफल तथा कर शिक्षा प्रदान गरिएको न्यौपानेले बताउनुभयो । कार्यालयले एक वर्षको अवधिमा कार्यालय हाताभित्र वैक काउन्टर संचालन गरेको जनाएको छ । जिल्लाको तौलिहवा र अर्घाखाँचि जिल्लामा करदाता सेवा कार्यालय स्थापनालाई मुख्य उपलब्धिको रुपमा हेरेको छ । आर्थिक अनुशासन कायम गराउँदै प्रभावकारी कर प्रशासनका लागि कार्यालयले नियमित रुपमा अनुगमन समेत गरिरहेको प्रमुख न्यौपानेले बताउनुभयो ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया