भुपाल थापा 
रमन वन, खोटाङ । खोटाङको सदरमुकाम दिक्तेलमा ‘तपाईको मास्क खै अभियान’ शुरु भएको छ । बन्दाबन्दी हटेपनि विश्वव्यापी रुपमा फैलिरहेको कोरोना भाइरस कोभिड–१९ को जोखिम कायमै रहेकाले कोभिड १९ न्यूनिकरण गर्न तथा जनचेतना मूलक सन्देश फैलाउने उद्देश्यका साथ बुधबारबाट उक्त अभियान थालिएकोे हो ।
दिक्तेल रुपाकोट मझुवागढी नगरपालिका, जिल्ला प्रशासन कार्यालय, जिल्ला प्रहरी कार्यालय, खोटाङ उद्योग बाणिज्य संघ र नेपाल रेडक्रस सोसाइटीको संयुक्त आयोजनामा “तपाईको मास्क खै अभियान” शुरु गरिएको नगरप्रमुख दिपनारायण रिजालले जानकारी दिनुभयो ।
अभियानको पहिलो दिन आज दिक्तेल बजारमा मास्क नलगाई हिँडेका संर्वसाधरणलाई निःशुल्क मास्कसमेत वितरण गरिएको थियो । साथै सरकारले लागू गरेको नियम उलङ्घन गरेको पाइएमा रु १०० जरिवाना तिराइने नगरप्रमुख रिजालको भनाइ छ ।
यस्तै घरबाहिर हिडडुल गर्दा अनिवार्य मास्क लगाउनु पर्ने, मास्क नलगाइ हिँडडुल गरेको साथै सामाजिक तथा भौतिक दूरी कायम नगरिएको भेटिएमा संक्रामक रोग ऐन २०२० अन्तर्गत कारबाही गरिने जिल्ला प्रशासन कार्यालय खोटाङले जनाएको छ ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया